【純愛】想要成為你的一半: 第三十七章

我忍受不了腳踝的刺痛，整個人跌坐在地上，雙手掩面。 

「你無咩吖嘛，我攞啲冰比你敷，唔好亂郁。」C Dragon問人借來一個急救箱。 

「對唔住，我累到大家輸波，仲要你幫我出頭。」 

「邊關你事，你已經打得好好，唔係你啲回魂3分邊有得追吖，咁樣唔屌鳩裁犬我仲係人嚟嘅！」 

「你頭先搞到咁大，下場復活賽會唔會停賽㗎？」 



「停咪停囉，反正我都返台灣，打唔到。」 

「咁快，仲諗住可以同你拍住上。」 

「下次實有機會，起唔起到身呀？」C Dragon向我伸手。 

「好番好多，未死得。」我鬆一鬆腳踠。 

「欸，有人搵你，我唔阻你地喇。」他看見Chloe笑了一笑，便轉身離去。 




「呀風，你痛唔痛，頭先俾你嚇死啦！」 

「濕濕碎啦，而家去踢波都仲得呀，啊…」我假裝若無其事的蹬一蹬地，怎料仍然很痛。 

「唔好死頂，再整親就唔好啦。」 

「知啦，長氣。」 

「哼，人地咁關心你仲係度話人。」Chloe臉色一沉。 



「Sorry，我唔係咁嘅意思。」我把她擁進懷裏。 

「我似咁小氣咩？」 

「似…啊…唔係…唔似。」 

「你係咪想死呀！」Chloe搣了一下我的臉蛋。 

「痛呀，點捨得死喎，我死左咪見唔到咁正嘅女朋友。」 

「又黎口花花，行啦我地去食飯慶祝。」 

「慶祝？我地輸左喎。」 



「係我心目中，你係打得最好嗰個，就算形勢幾差你都無放棄過，滿場飛助攻助守，仲入左好多球3分，真係好型。」 

「吓，但我應承左你兩次都衰左。」 

「唔緊要，我知你有重視過我地之間嘅承諾就夠喇。」Chloe把手指輕放在我嘴唇。 

 

雖然Chloe表面上有點嘴硬，但她內裏是多麼的溫柔體貼，多麼的善解人意。她每一個眼神，每一句說話，都徹底的打進我心扉，深深刻下一個個烙印。 

她在我心裏佔據的位置越來越重，任何事情都離不開她，那怕在球場上也好。因為我一直追逐的不是籃球，而是她。 

 

「不如返屋企沖個涼再出黎，我成身都係汗。」 



「好啦，一陣係嗰度等。」