【純愛】想要成為你的一半: 第四十章

這一天是平安夜，理所當然要跟Chloe一起度過，難道要獨自一個窩在家裏感受空虛寂寞。 

 

只是我沒想過這天對我們有着如此深遠的影響。 

 

「係呢BB呀，當初點解你會鍾意我嘅？」Chloe繞住我的手。 



「做咩咁問嘅？」我搖搖頭。 

「喂呀，我要你講就講啦。」Chloe扁扁嘴。 

「好啦，我由第一眼就覺得呢個女仔好靚，好可愛，跟住咪諗方法接近佢，相處落就唔知點解唔想見到佢傷心，好想呵護佢，剩係想見到佢對我笑，無時無刻都掛住佢，咁我就諗我應該係鍾意左個女仔。」我娓娓道來。 

「好衰㗎你，你做咁多野係有目的嘅，等我仲以為我地嘅相遇係緣份，哼！」 

「唉，咁早知我就唔去溝你啦。」 



「咩話！而家好難為你咩！」Chloe鬆開手，怒瞪着我。 

「講笑啫，緣份都可以自己創造出黎，如果唔係我都搵唔到咁好嘅女朋友啦。」 

「真係俾你激死。」Chloe剛才的怒意經已化為笑意。 

「我不嬲都係咁㗎啦，但你又覺得開心喎。」 

「知你叻啦，嗱，你份禮物呀。」Chloe從袋裏拿出一份包裝精緻的禮物。 



「吓，唔使搞咁多野喎。」 

「我好比心機整㗎，你係咪唔想要啊？」 

「我唔係咁嘅意思，只不過我乜都無準備，Sorry呀」我搔着頭說道。 

「唔緊要啦…」Chloe表面上是這樣說，但我看得出她是有點失落。 

「玩下你咋，我都有啲嘢要送俾你。」

「嗯？咁份禮物係邊呀？唔覺得你有帶係身嘅。」她一臉疑惑的看着我。

「Hehe，唔係我身上面呀，傻妹。」 

「咩嚟㗎，好想知呀，快啲俾我啦！」Chloe向我撒嬌。



「你跟我嚟啦！」

 
我走向一隊街頭band，簡單一個眼神跟他們示意，然後拿起結他，腦海裏不由自主的響起遺忘已久的旋律，猶記得我答應了那個人，當我學會了彈這首歌，她一定要做第一個聽眾，可惜的是一切已來得太遲。 

 

雖然如此，我還是想唱這一首歌，因為是Chloe讓我再一次感覺到愛的滋味，是她帶給我勇氣， 

是她令我重拾信心， 

是她讓我重新學會笑， 

是她教會我忠於自己， 



是她一直在身邊陪着我， 

是她把情感灌注進我的生命， 

我不知不覺間已經成為了她的信徒。