【純愛】想要成為你的一半: 第四十二章
Rachel走了後,我才驚覺剛剛遺忘了Chloe,看着電話數十個未接來電,心裏不禁閃出一種不安的預感。
我馬上趕回去找Chloe,只見她左顧右盼,四處找尋我的身影。
「BB,你頭先跑左去邊,無啦啦走左去,嚇死我啦。」Chloe一看到我就跑過來攬着我。
「Sorry,我見到嗰好耐無見嘅朋友,咪跑過去追佢囉。」
「你講,男定女嚟㗎?」Chloe叉着腰問我。
「男,係女仔我點敢呢。」我也搞不懂為甚麼我要說謊。
「算你啦。」
「我錫返補數啦。」我向Chloe的臉吻下去。
「唔得,我要錫嘴呀。」她嘟起嘴的樣子真的很可愛,叫我怎麼忍得住。
「點呀,你滿唔滿意我份聖誕禮物?」
「吓,有咩?」
「唔好扮野喎,我唱左成隻歌俾你聽。」
「同你玩下咋,好滿意呀,係我咁大個女最鍾意嘅聖誕禮物。」
「我都係琴日先諗到,仲驚你會唔鍾意添。」
「點會呀,我估唔到你咁大膽係咁多人面前唱歌,真係好型。」
「唔型點襯得起我女朋友喎。」
「唔使賣口乖啦,而家有咩做呀靚仔?」
「無呀,食自己囉。」
「乜你咁對女朋友㗎。」
「梗係唔係啦,我想食你。」我在她耳邊輕聲說。
「咦,好衰㗎你。」Chloe輕輕推開我。
「黎啦黎啦。」
「上唔上嚟我屋企?」Chloe耷着頭說道。
「哦,你真係想我食你,曳曳啦你。」我篤一篤她的鼻子。
「咩啊!你地啲男人咁鍾意用下面諗野㗎!」
「講笑咋,你知我都唔係啲咁嘅人㗎。」
「點知你啫,我又唔係你肚裏面條蟲。」
差不多抵達Chloe家的時候,我接到電話,未看就知道一定是Rachel,一想到這我心裏莫名有種忐忑的感覺,很想接聽,但手指一直顫抖着,按不下去,是Chloe替我按下鍵鈕。
「你不如聽左電話先,可能有緊要事呢。」
「哦…」我拿起電話。
「喂呀風,我應承左就一定做得到嘅。」
「係…係…你…」
「搞乜漏唒口,你扮細細粒啊?」
「無,有啲估唔到係你。」
「咁多年你都無轉過電話,我頭先不知幾驚會打唔通。」
「我就係死都唔轉,就係驚有一日你想搵都搵唔到我。」
「得啦,唔阻你地,遲啲出黎食飯,介紹佢俾我識下。」
「好,一定。」
「你地玩得開心啲啦,Merry Christmas!」
「Merry Christmas,bye!」