【純愛】想要成為你的一半: 第四十五章
我們走到海濱一處坐下,吹吹海風。
「嗱,整返罐先。」Lue Sir遞了罐啤酒給我。
「唔該。」
「正,好耐都無試過吹住風飲下酒啦!」
「嗯,我都係咁話。」我點一點頭。
「嚟,講下你煩緊咩。」Lue Sir搭着我的肩膀。
「你係咪gay㗎?我條女見到實斬死你啊!」
「Gay你個死人頭!想斬阿叔,放馬過嚟,喂你條友唔好係度轉移話題喎。」
「怕左你,係咁嘅,琴日我撞返個好耐無見嘅朋友。」
「唔洗審啦,肯定係女,仲要幾正下嘅,有無圖睇?」
「又話幫我,做咩變左睇女㗎,不過佢真係幾好嘅,比你睇下啦。」我點入Rachel的IG,才發覺已經很久沒看過她發的post了。
「睇過,有無搞錯呀,你啲女一個正過一個,公平咩?
而家靚仔少少大晒咩?」
「我都唔想㗎,慘得過啲女受我溝呀!」
「咁唔洗煩啦,要晒佢咪得囉屌你!」
「得就唔洗煩啦,媽啊我好亂啊!」
「唔玩啦,認真,咁耐無見,你真係仲鍾意佢?」
「我自己都唔知,以前係有,佢走左之後好似放低左,又好似無放低過,都唔知點講。」然後我一五一十地說起當年我和Rachel的事。
「咁你愛唔愛而家條女先?」
「愛,好愛佢。」
「愛咁咪得,搞掂!」
「咩?師傅我唔get啊!」
「其實你應該無再鍾意佢,你嗰個大波青梅竹馬,
可能你只係想彌補返之前錯過左嘅遺憾,先有個錯覺,
猶豫啫,我覺得咋,你自己再諗諗啦。」
「嗯,又好似係咁,多謝你點醒左我。」阿sir一席話簡直是一言驚醒洛克人。
「嘿嘿,洗乜講,你估我淨係識教波咩,
之前有幾條友仲要阿叔幫佢地溝女,你都算係咁啦,
都夜啦,你條女等緊你呀。」