【純愛】想要成為你的一半: 第五十章

第二朝一起身，成身無力，頭好L痛，一摸，嘩屌好慶，

睇嚟應該係發燒，平時又唔發，重要關頭先嚟發燒，

想我死咩！

搞左陣先格硬起到身，都無乜胃口食野，

求其整2粒發燒藥就出門口去Chloe度。



食完藥叫做好左啲啦，頭無咁痛，不過個身都係無乜力，

腳步浮浮咁，明明平時行10分鐘就到佢屋企，

今日都搞左差唔多半個鐘先去到。

終於去到佢屋企門口，唔知點解突然覺得好L緊張，

仲緊張過DSE考oral啊，執返靚仔個樣，再深呼吸，



扮到無事咁㩒門鐘。


「你嚟啦？」Chloe開左度門比我入去。

「係呀」

「入嚟先講啦」

我入度去環顧四周，上次上嚟都無乜留意，



而家先知佢屋企都幾靚下，啲裝修同家私都唔嘢少。


「喂 你望咩呀 我屋企人出晒去 你唔使驚」Chloe拍一拍我。

「哦無呀 你屋企都幾靚 望多兩眼啫」

「過去坐低先啦 你唔係有嘢要同我講咩」她指住張梳化。

「emm…emm…」到左真係要講，個人即刻拗晒底，
唔知點講出口。

「你肯講未呀 係咪做左啲唔見得光嘅事 所以唔敢講呀？」Chloe塊面越嚟越黑，我係指個面色。



「唔係…我…我…其實…要點講好呢…」

個頭又開始痛返，果然2粒藥係止唔到燒，

仲要有啲眼瞓，個腦根本run唔到，唔知點答佢好。


「比機會你又唔講 陳澤風你到底想我點呀！」佢好嬲咁對住我講，跟住企左起身。

「唔好嬲啦…」我捉住左佢隻手。

「欸 你隻手做咩咁凍㗎？」佢之後伸手過嚟摸下我額頭。

「啊！你發燒做咩唔出聲啊 嚟啦我同你去睇左醫生先啦」



「唔使 我ok呀」我企起身，頭有啲暈，腳步都有啲唔穩。

「仲話ok 你睇下你 企都企唔穩 唔好再死頂啦」

「但係…我都未同你…」

「而家唔好講呢啲住 等你好返先算啦」

佢都未等我答佢，就夾左我去睇醫生。