【純愛】想要成為你的一半: 第五十二章

「上次係佢行過嚟攬住我 作為一個好朋友

我無理由拒絕佢 見到佢喊 咁我咪安慰下佢囉

真係唔係你諗咁樣㗎」


「我無諗錯囉 夠…夠啦 我忍唔到啦

唔玩你啦 傻仔 哈哈…哈哈…」Chloe噗哧咁笑左出嚟




「吓 發生咩事呀

Why are you doing this ar?」我成個人呆左


「其實我知係咩事啦 琴日Rachel已經同我講晒

不過你就衰囉 唔一早對我坦白 搞錯 哼」




「Sorry 我驚你亂諗嘢

咪無同你講 咁你係咪真係原諒我啦」


「今次算你啦 不過點解你之前無同我提過佢㗎」
Chloe篤一篤我個鼻




「我諗住Rachel都唔會返嚟 所以就無同你提過佢

同埋驚你吃醋呀嘛 」


「我似係啲咁嘅人咩 雖然一開始我有少少懷疑

不過諗落又覺得你應該唔會咁對我嘅

跟住Rachel又係ig度同我解釋

但係你條粉腸又唔肯講

咪唯有扮嬲逼你講囉」




「呼…嚇得我吖 從來未見過你咁嬲

幾驚你唔信我啊 好彩而家無事啫」


「我啲戲係咪好好呢 睇唔出平時我咁溫柔

惡起上嚟都似模似樣呢 嘻嘻…」佢古古惑惑咁對住我笑


「呃…」

「你咩意思呀 我有講錯咩」



「唔係 未聽過有人咁樣讚自己 不過我鍾意」

「超 口花花啦你」

「真㗎」