【純愛】想要成為你的一半: 第五十三章

「好啦 其實我仲有啲嘢想做 你合埋眼先吖」

「做咩呀」Chloe眼仔碌碌咁望住我。

「你一陣就知㗎啦 嚟啦 你俾隻手我先」

「哦」Chloe伸隻手過嚟，之後再合埋眼。

我攞左度戒指圈size嗰件嘢出嚟



(即係林家謙mv成日用嗰樣嘢) ，再套落我地無名指度。


「咦 唔通你 」佢似乎都feel到個圈圈。

「阿風 我可以睇未呀」

「你睇啦」

「吓 呢個咩嚟㗎 我仲以為你係送咩俾我添」Chloe先係呆左一下，再扁扁嘴。



「小姐 咁我都要知你個size先㗎嘛 唔啱size嘅話
咪搞到無晒mood囉」

「咁又係 欸 咪住 點解…點解你要送戒指俾我」

「四個字 我要娶你」我chok左個好深情嘅眼神望住佢。

「吓 你認真㗎？？？」Chloe露出一個好難以置信嘅表情。




「我唔會搵呢啲嘢嚟玩 雖然我地只係一齊左半年到

但直覺話俾我知 你係我嘅Miss Right

韓心怡小姐 (Chloe全名) 我想成為你嘅另一半

你可唔可以俾個機會我愛你一世」我跪低同佢講。


「呀 咁突然 唔係我唔想 咁…咁仲有我地爸爸媽媽個關

佢地會唔會反對㗎 似終我地仲細 仲讀緊書

咁樣…咁樣好似唔係咁好…」




「你唔使咁擔心啦 佢地嗰邊交俾我啦 我會說服佢地㗎啦

總之一畢業我就會娶你 你以後就係我嘅人」


「喂 我未應承你㗎 你都唔夠誠意 今次我唔接受㗎

都唔夠浪漫 兩手空空 咩都無 咁樣就想我嫁俾你

想錯你個心呀」


「收到 靚女 我返去會準備 求到你滿意為止 ok未」



「咁就差唔多 但係呢 佢地真係…真係反對咁點呀」

「外間很多反對我愛你的聲音~讓我的愛惹起公憤~」

「乜野呀」

「反對無效囉」

「妖 你好低能呀」