Chloe佢講得啱,我地父母可能會反對我地咁做,

始終結婚都唔係一件兒戲嘅事,所以都要問左佢地先。

其實我老豆老母一早知我有拍拖,

成日都催我帶Chloe返去俾佢地見下,

係估唔到第一次就搞到咁大。






佢兩個聽到之後又無乜好大嘅反應,反而仲好支持我地,

話我執到啦,有過咁好嘅女仔肯要我,

不過佢地又講得無錯嘅,有時仲覺得Chloe先係佢地親生,

錫佢錫到呢…

好啦,仲有最後一關,Chloe嗰邊唔知過唔過到呢。






見Chloe父母嗰日~

「我今日個look得唔得 份禮物會唔會太失禮 仲有…」
我真係好L緊張。

「你唔使咁擔心啦 我Daddy佢地好隨和㗎 無事嘅無事嘅」Chloe嘗試去安撫我。

「係啫 但都係有啲驚」





「ok嘅 上次你爸爸媽媽都ok 今次都得嘅 你信我啦」

「好啦」


一入到Chloe屋企,Chloe媽咪就嚟迎接我地。

「阿女你地嚟啦 你男朋友仔幾好樣喎」

「多謝auntie,我買左少少野俾你地」我摸住頭傻笑。

「乜咁客氣啊 快啲入嚟啦 喂爹吔 佢地嚟左啦」

「知啦知啦」Chloe爹吔係房入面行出嚟。





「你就係風仔呀,當自己屋企得㗎啦,唔使客氣㗎」

「哦,係」

「我地傾吓計先啦」Chloe媽咪捉住我,跟住係咁講Chloe
細個啲柒事。

「喂呀 媽咪 唔好講啦 好醜怪呀」

「怕咩喎 風仔遲左都會知㗎啦 係咪咁講呀」

「都係嘅 哈哈」我都唔好意思話唔好啦,
咁我都想知多啲嘅,不過一陣又要氹返Chloe啦。






「風仔 有一件事我希望你可以認真答我」Chloe爹吔突然
之間問我。

「係 無問題」

「你係咪對我個女認真 想同佢長遠行落去」

「我係認真 今日我上嚟就係想同你地講 我想娶你地個女」
我吞左啖口水,再一次過講。
已有 0 人追稿