過幾日我約左Chloe出去食晚餐,亦都係我做野嘅機會。

你今次仲唔死係我手上,我以後跟你姓,不過都無可能啦。


「喂 上次我爹吔就係俾你睇我細個啲相咋」

「哦 係呀 我都嚇左一跳 差啲認唔出 原來你以前係…」

「咩喎 我幾歲嗰時媽咪覺得短頭髮方便啲 咪幫我剪短囉


大個睇返先發覺好肉酸 成個男仔咁 真係吖」

「唔係吖 靚女剪咩髮型都唔會差啲去邊」

「係咪㗎 成日都咁口花花」Chloe笑到唧左出聲。

「係吖嘛 不過你就…」我搖一搖頭。

「吓 啫係點」



「因為你唔係靚女囉」

「咩話 你而家係咪想死呀」佢即刻變面,明明頭先仲笑緊。

「係好靚女 所以你點剪都咁好睇」

「好過分囉你 成日都玩我 嬲呀」佢扮嬲,但被我睇到佢偷笑。

「但我見到有人笑喎」



「咩 笑你低B咋」


我地食飯嗰陣都係咁打打鬧鬧,都差唔多要到戲肉,

有啲緊張添,希望順利啦,俾到個surprise佢。

「啲人就快走晒啦 我地行未呀」Chloe問我。

「好 我地埋單啦 等陣 我去個廁所先」


我離開左Chloe視線範圍,就同個侍應示意要準備嚟料。

侍應行左去到我地張枱,



而我就去攞之前擺低嘅結他。

「唔該 幫我地埋單吖」Chloe同個侍應講。

「小姐呀 你唔使咁急喎」

「吓 我唔明...」

「你望下後面就明架啦」

Chloe聽到就另轉頭,見到我攞住支結他。
已有 0 人追稿