【全劇終】《我喺街執咗個失憶嘅女仔返屋企》: 15/5更新通知
唔知有冇人發覺,我喺故名前加咗新tag。
冇錯,題材氾濫系列。
嚟緊我想繼續寫啲喺大家眼中,或者已經千篇一律,睇到倒轉都曉背嘅故。
理由?
唔係對而家網故風氣作出控訴乜乜乜,只係有時見到啲故寫得幾好,但因為題材氾濫嘅關係冇咩人睇(尤其連登啦,而家去連登出校園愛情故幾乎單機),覺得有啲可惜。我想同嗰啲作者講,只要自己寫得爽,就值得堅持寫落去。
加上,我份人鍾意反其道而行,愈冇咩人睇我愈要寫,因為掉轉頭諗,你寫得幾差都冇人笑你(因為都冇人睇)
況且,我一直相信,就算題材幾氾濫都好,每個故都有佢獨特嘅地方。
然後,話明系列,當然唔止一個啦,而家寫緊嘅只係第一彈,之後會有第二彈,第三彈…直至有日我放棄寫野為止。
至於第二彈,其實已經有啲眉目,不過我能力所限,同時寫兩個故我會死。
所以,要等而家呢個完咗先。
講咗咁耐,而家呢個幾時完?
「好L悶,拖L完未,我棄喇…」我當然希望睇到呢篇野嘅你唔會有呢種感覺啦。
不過事實係而家進度只係去到一半(都唔知有冇LOL),同埋係未寫完嘅。
(講呢啲把L,都唔知有冇人真係會睇晒成個故…)
但至少我寫得幾開心。
廢話講完!聽晚繼續!