【全劇終】《我喺街執咗個失憶嘅女仔返屋企》: 學生會補選篇：天才初中生（上）

「哥？就遲到喇，你喺房做咩呀？」
 
匿喺被竇嗰陣，聽到阿妹敲門。
 
「乞嗤——」
 
「哥？」
 
我sd訊息同阿妹講，我作感冒，今日請假一天。
 




而尋晚傳染我嘅罪魁禍手，今朝一早就返咗學。
 
一定唔係我本身太孱，而係由肥仔傳俾小悠再傳俾我嘅變種病毒威力太厲害。
 
放低部電話之後，我倒頭大睡。
 
瞓醒之後望吓幾點，原來先十點幾，喺床碌咗幾碌之後，我決定鳩撳IG。
 
點知一打開，就見到珀奈upload咗新相。
 




係影住學校禮堂，caption係：聽講最近開始咗學生會補選...大家要加油喔! ずっと応援するからね! p.s.有點認為當學生會的都很帥...
 
...唔通，珀奈知我有份選學生會，所以特登開個post同我隔空打氣？
 
我隨即又否認呢個念頭。
 
唔好唔記得，喺我面前有大大個羅凱撒做情敵，仲有上次喺學校門口見到嗰個賤男校草。
 
仲有全校唔知幾多千萬個想追珀奈嘅人…
 




都係唔好諗太多，瞓。
 
準備合埋眼時，出面傳嚟敲門聲，然後對門開咗。
 
阿妹捧住一個碗入嚟。
 
「阿妹？你今日唔使返學咩？」嘩屌，聲都沙晒。
 
「…我費事你喺屋企病到暈咗冇人理。」睇嚟阿妹都同學校拎咗假，「你點呀？」
 
「…頭先瞓咗一陣，感覺好啲。」我清一清喉嚨。
 
「你喉嚨痛成咁唔好食其他野喇，我煲咗啲白粥俾你。」
 
阿妹嘅白粥嚟得好及時，咁啱有啲肚餓。




 
正當想拎起匙羹，阿妹就一手搶咗去。
 
「…？」
 
「你唔舒服就唔好亂郁喇，陣間手震倒瀉仲麻煩，等我餵你啦。」
 
「哦，咁好啦。」既然阿妹咁好服侍我更係唔客氣，即刻翹埋雙手擘大口。
 
阿妹將啲粥送入我口前，仲好細心地吹兩吹先。
 
「係喎，你今日請假怕唔怕架？」食咗兩啖，我問。
 
「怕咩呀？」
 




「學生會冇咗你搞唔搞得掂架？」
 
「梗係搞得掂，學生會又唔係得我一個，而且下晝開會我可以用電腦開架嘛。」
 
咁又係。
 
不過，（雖然係我提起先嘅）講到學生會我個頭又開始痛。
 
「你呢排煩緊咩呀？」果然係最了解我嘅阿妹，一眼睇穿我有野煩緊。
 
於是我將最近（半被迫）參加學生會補選，同埋遇到唐夕嵐嘅事同咗阿妹講。
 
「…等等，唐夕嵐呢個名好似有啲熟。」
 
「你識得佢？！」




 
阿妹冇應機，只係放低碗粥，然後拎起電話撳。
 
之後佢俾咗一條片我睇：「係咪呢個呀？」
 
「就係佢！」我望一望條片嘅標題：
 
傑出學生訪問片段。
 
「咪住先，傑出學生？」
 
「嗯，呢個女仔拎咗上年傑出學生獎之後嚟過我地學校講talk，所以我對佢有啲印象。」
 
「…講talk？」
 




「係呀，你唔知咩？呢個女仔嘅來頭。」
 
「咩來頭咁巴閉呀？」
 
「IQ140，精通8國語言嘅天才初中生——呢個係外界俾唐夕嵐嘅稱號。」