我後腦落地,Janelle都跌低咗。但係邊個可以同我講,點解佢個頭會枕咗落我個胸到㗎屌!話晒我個波都有36D,好多人想掂下都掂唔到。而家比佢壓住,真係蝕底晒比呢個咸濕妹。但係佢好似唔知咁,隻腳仲kick實咗喺我大脾中間。佢個頭而家同我距離唔夠3cm,我甚至仲聞到佢用咩沐浴露冲凉。

我咁大個女,都未試過咁尷尬,而而家疑似非禮我嘅對象,竟然係我學生。我覺得我嘅呼吸聲大聲到好似飛機起飛咁,塊面仲要紅晒。喺呢一個moment,我同Janelle莫名有啲曖昧嘅感覺。


我忍唔住「Shit !」咗一聲。

Janelle即刻喊「哦,Miss Lam你講粗口!」講完仲好賤咁笑咗下。

邊個搞到我仆街啊而家,你條粉腸仲笑!



「你叫Janelle吖可,咁唔該你可唔可以快啲起身,唔好再壓住你可憐嘅老師我。」

「Oh sorry吖 Miss Lam,我唔係有心架」Janelle急急講完就企起身,塊面仲有小小紅。

感覺到Janelle已經企咗身,我扶住身後嘅牆都打算企起身,但係左腳突然傳來一陣劇痛,令到我貼著牆坐低返,應該係啱啱仆街嗰時扭親。



「Miss Lam,你無事吖嘛,使唔使扶你返staff room?」Janelle行過嚟扶起我問。



「唔使啦,你返班房先。」我講完就打算繼續等𨋢,但係Janelle一走開小小,我就發現我隻腳痛到好
似唔係自己咁。

Janelle見到我咁樣,即刻扶返住我,話「我扶你等𨋢,送到你入staff room啦,話晒都係我搞到你咁嘅。」話語中透露著一股無庸置疑嘅味道。

我認命地點咗下頭,佢用佢隻手諗住搭住我個膊頭。但係佢矮我一個頭,好似唔太夠高搭上去,所以吉高咗隻腳。緊係啦,話晒我都係有170架嘛。

唔知點解,我覺得佢咁樣做有啲可愛。
我忍唔住開口講「你搭住我條腰就得架啦。」



佢有啲怕醜咁將本身搭住我膊頭嘅手放喺我條腰到。

喺嗰一刻,我條腰傳來咗啲好似觸電咁嘅感覺,我忍唔住震咗一震,望咗下Janelle,見到佢都無咩反應。但係不得不提嘅係,佢唔講嘢嘅時真係好有文青feel。

架𨋢喺呢個時刻終於嚟咗,入面只係得一個老師。但不幸嘅係,呢個老師係Amy。

Janelle一入𨋢嗰時向Amy微笑點頭,然後雙眼就直視前方,無再望我同Amy。

而Amy就係呢個時候向我投來戲謔嘅目光。我反咗個白眼,Amy條友仔肯定又係諗埋晒啲污糟嘢啦。


staff room好快就到咗,Janelle盡責咁送到我去staff room門口。到咗門口之後,佢好似有啲唔放心咁問我「Miss Lam,你可以自己行入去架可」

Amy喺呢個時候插嘴「放心啦,我會扶Miss Lam入去架啦」



「咁唔該晒你,Miss Chan」

我喺Janelle耳邊,細細聲咁問「你應該唔會將啱啱等𨋢嗰陣嘅事講出去架可」

Janelle呆咗幾秒,然後將手指擺係嘴到,做一個拉拉鏈嘅動作。

我未欣賞完佢個表情就比Amy扮搭膊頭,實則掐住我疲累不堪嘅膊頭,入咗教員室。
已有 0 人追稿