一入教員室,Amy就拉咗我去佢個位,陰陰嘴笑。

「仲以為你啱啱分手未move on到,原來咁快就溝緊女。唉,我真係睇錯咗你啦」

都話Amy條淫蟲個腦都係裝埋晒啲黃色廢料架啦。「你諗咗去邊啊,啱啱佢撞到我先扶我返嚟啫,你估佢咁好心咩,你諗多咗啫。」

「你自己睇路啦。唔好話我唔提你,唔好沉個學生船就得。」Amy講完就去咗收拾啲書準備上堂。

「所以Miss Chan你而家即係慫恿我去玩弄一個學生嘅感情?你真係一個“好”老師架啫。」我有小小驚訝。



「下,你唔知咩,我上年教佢架喎。聽講佢收兵無數,所以其實我係為你好先咁講。」


「我有分數啦,你唔好理,咁講搞到遲啲我仆街都無人想救我。」我講完就拐下拐下行去4D班房,同時慶幸好彩4D同教員室喺同一層。


我一入4D班房就坐咗喺到位到,同班學生簡單介紹咗下f4至f6課程就叫佢地自修。

落堂鐘響咗後,我又舉步維艱咁行返去教員室。因為今日係第一日返學,呢個時候啲學生都放緊學。有幾個同我熟嘅學生行過嚟問使唔使扶我,我都話唔使。無辦法啦,鬼叫Amy鍾意小題大作咩,佢地扶下我就以為我地有嘢。




我返到教員室,瞓咗二十幾鐘,食咗個外賣之後,就要出下啲test,quiz卷咁。出出下,唔驚唔覺就五點幾。Ok執嘢收工,開學第一日唔通做到7點咁蝕咩。

我行出教員室,發現原來出面落緊雨。今次大鑊了,我今朝趕住出門口根本無帶遮。

今日都唔係一般黑仔咁簡單,不嬲我都相信山重水複疑無路,柳暗花明又一村嘅。但係今日我搵唔到嗰條又一村。


諗咗諗,我決定問下Amy可唔可以同我一起走,點知呢個女人一早就走咗了,睇佢個樣又係去咗蒲啦。



我又無帶手機,呢下真係唔知點算好。

最後睇咗下時間,都係忍住腳傷,快快脆揸車去睇鐵打算。我拐下拐下行到樓下,竟然比我見到一個而家唔太想見到嘅人, Janelle。

我本來想扮睇佢唔到。無辦法啦,見親佢都無好事。果然,我講嘅嘢好靈驗。Janelle一見到我就行過嚟我到,我避又避唔到,唯有用最平常嘅語氣問佢
「Janelle,點解五點幾仲喺學校嘅?我記得今日學生都係一點就放咗學架啦喎」

「Errrr,今日有committee meeting吖嘛,所以我咪而家先放學囉」Janelle講呢句嘅時候好似唔敢望住我咁。

「你啱啱講嘅嘢都係真?」我用疑惑嘅語氣咁問。

「緊係真架啦,我點會呃你吖Miss Lam」

「如果係真嘅話,點解唔望住我?」



「我無……無吖」Janelle塊面已經紅晒。

佢仲未講完,我就用指尖輕輕托起咗佢個下巴,動作引人遐想。
已有 0 人追稿