「講大話係唔啱架同學,你當我唔知咩,開學第一日點會有committee meeting吖」我仍然唔肯放過佢個下巴,連我都唔知自己點解要咁做。

「原來你已經知道咗」佢塊面閃過一絲慌張。

「喺明知我有可能扣你conduct grade嘅時候,咁點解要呃我」我忍唔住笑咗,佢個大話真係太假了,但係我嘅心情竟然有啲開心。成年人的世界總係充滿荒謬同謊言,但講大話嘅理由都係為咗自己嘅利益。我都好耐無聽到呢啲純粹嘅大話。

「如果我話我想扶埋你返屋企咁係唔係一個好理由吖,不過睇嚟你而家都唔使架啦,咁我走啦。好心都無好報嘅」Janelle講完就真係賭氣fing開我隻手,嬲爆爆走咗。

唔知點解,我好想玩下佢。





「哎呀,我隻腳好痛啊」

點知Janelle即刻跑返過嚟,問
「點啊,係唔係真係好痛啊Miss Lam,不如我地去睇醫生啦好唔好」個表情好似好擔心我咁。


「我呃你咋!而家係唔係唔俾我以其人之道還治其人之身先。上我車啦,我就當做下好心送你返去。話時話,你有無帶遮」

「有啊Miss Lam我遮埋你啦」





佢一開遮,我就拖住佢跑上咗我架車。然後,先後知後覺發現自己做咗啲咩,即刻鬆開佢隻手。但佢隻手真係又白又滑。連唔係手控嘅我都差啲動心。


「係呢,你住邊架,你唔講我送唔到你返去」我為咗令自己睇落唔咁尷尬,決定r佢吹下水。

「將軍澳」Janelle講完就無再理我,只係靜靜地望住個車窗

「咁啱嘅,其實我都係住將軍澳架」唉,為咗炒熱個氣氛,我連自己住邊都講埋。

係呢段三十分鐘嘅車程,再無一個人講嘢。直至我feel到左邊膊頭沉咗一沉。係等緊轉燈個時,我擰轉頭一望,發現原來係Janelle瞓著咗,唉咗落我到。但係我神差鬼使無推開佢,由佢唉住我。





到底我今日係唔係癲咗吖!!!

今日工友應該兩點幾就鎖咗門,呢個傻妹今日唔係喺門口企係到等到我五點幾吖嘛。唔怪得而家咁攰啦,真係蠢才。


直到我到咗睇鐵打嗰到(當然呢間嘢都係喺將軍澳),我先叫醒Janelle。

我貼住佢耳仔細細聲喊「企身啦喂!」


Janelle比我嚇親,即刻打開眼,個樣有小小懵下懵下咁。

我第一次貼到咁近望住佢塊面。我覺得其實佢都幾靚吖。Janelle嘅皮膚有啲白裏透紅咁,身高雖然得155,但係配合佢嘅大眼,幾高嘅鼻,細細地嘅嘴,真係好可愛。





「Miss Lam,我啱啱係咪瞓著咗,sorry啊」

「唔緊要啦,我而家入去睇鐵打,你返屋企先啦。而家都六點幾,你再唔返去,可能你daddy mummy就要打比我架啦」


「咁Miss Lam你可以自己睇醫生架可?」佢一邊捽眼一邊問。

「我都二十幾歲人啦,點會唔得啫。而家停雨你走先啦,我而家去睇」

「好啦咁Miss Lam bye bye啦,對唔住吖,今日撞親你,仲搞到你咁」Janelle咩起書包走咗。


我獨自睇跌打,但內心不知怎地,沒有一絲孤單。








(暫定每次都會係9-11點更新,大家stay tuned!)
已有 0 人追稿