而家先係差唔多七點,Anson有咩做遲啲再返屋企做都嚟得切啦。

佢呢排真係好怪,可能我真係要搵個機會check check Anson部手機。平時我知道佢嘅手機密碼,想幾時check就幾時check,但係而家Anson唔知點解改咗密碼,我想check佢部手機又唔俾佢知就好難。

我就係咁諗諗下瞓著咗。

第二日鬧鐘響咗後,起身返工。到學校嗰時,我都係成日覺得啲學生望住我笑。

我望一望自己今日嘅裝束,無乜問題吖,咪同平時差唔多。我再係手袋到攞塊鏡出嚟照照,個妝都無花到喎。咁點解嗰個都望住我笑嘅?





我返去教員室,打算係上堂之前食個早餐。一打開手機,就收到Amy send比我嘅message。

我撳入去睇,見到Amy好激動咁係咁打字

「唔係吖嘛」

「你做咩咁高調」

「而家全校都知你地啲嘢啦」





「點收科」


Amy做咩怪怪地咁,我係話點解Amy同啲學生一樣咁怪。

我即刻覆返Amy「發生緊咩事」

佢係咁send message

「下你唔知咩」





「尋日Anson係咪去咗接你」

「比啲學生見到啦」

「有人喺學校個secret post咗出嚟」

「而家差唔多全校都知道曬」

Amy咁講,我終於記得發生咩事啦!今次真係仆街得。成晚都掛住諗Anson呢排反常嘅行為,竟然唔記得有學生見到Anson嚟接我。

我唯有求助Amy「咁我而家點算吖」

Amy話「你自己拆掂佢啦」





「還掂大家都知道曬啦,驚咩」

就係大家都知道曬,我先要驚。

我返去3C班房,途中都仲係有好多人對我行注目禮。但我而家了解咗原因之後,覺得真係好羞恥。

我行入3C班,33對眼即刻望住我。我嘆一口氣,果然要嚟嘅一定會嚟。

我首先開口「我地呢一堂有45分鐘,你地都知道曬啦,而家比你地問啦。」

其實本身我可以死口唔認Anson係我男朋友都得嘅,
但係而家Anson咁張揚,應該好多人見過曬,我再否認,其他人只會覺得我好假。

人們只願相信他們願意看到的事物。





第一個開口嘅係Mavis「Miss Lam尋日嚟接你嗰個真係你男朋友?」

「你地唔係已經覺得佢係啦咩?」我反問。


「但係我地都想聽你親口承認。」

「佢真係我男朋友。」我答咗。

「咁我都想問返你地一條問題,到底係邊個同你講我有男朋友呢件事。」我心中已經有答案。

「係尋日Janelle whatsapp同我講架」Mavis 就咁樣講咗Janelle個名出嚟。

原來我無估錯。







(劇情終於入大直路啦!!!)
已有 0 人追稿