我叫住咗Janelle,話有小小嘢要搵佢。

佢周圍嘅同學覺得我係要審問Janelle有無仔,跟住再苦口婆心咁勸佢地分手,都向Janelle投向愛莫能助嘅目光。

我內心苦笑,我真係似呢啲咁嘅人咩。一嚟,單憑小小嘢點可以睇得出個學生有無男朋友。二嚟,即使真係有,關我撚事咩。

Janelle戰戰兢兢咁行咗出嚟。我本身諗住喺班房同佢講。但係成班33個人金精火眼望住我。唉算啦,我都係喺出面講啦。


我同Janelle搵咗個無乜人嘅位企係到。





Janelle首先打破沉默,問「Miss Lam你搵我做咩吖」


既然佢都咁直接,我都唔好同人打啞謎。我換咗一個認真嘅表情「我有男朋友呢件事係咪你講出去架」

係呢一個瞬間,我見識咗Janelle塊面由紅轉白嘅過程。

佢好心急咁講「我……我淨係講咗比Mavis同Olivia知咋!我真係無唱出去架,Mavis同Olivia都唔會爆響口嘅。」





我同自己講,咁可能未必係Janelle講出去嘅。嗰時放學時間,有其他人見到都唔出奇吖。係我唔應該懷疑佢。唔知點解,聽到Janelle話佢無爆出去,我莫名其妙咁有啲開心。

「我知道啦,咁你返去班房啦。」我講完就諗住走。

「等……等等吖Miss Lam!」Janelle抓住我隻手臂。佢隻手好細,仲白裡透紅咁。我腦海中突然有一種想摸下嘅諗法。

我停低,用眼神問佢仲有咩事。Janelle嘅表情有啲糾結,眉頭緊鎖。就當我就快等得唔耐煩,打算就佢有咩遲啲先講嘅時候。

我聽到佢細細聲咁問,「Ummm…Miss Lam你尋日係咪放咗工之後都一直都同你男朋友一齊?」





唔通Janelle知道咗啲咩?我挑眉,「我應該無義務回答你呢個太私隱嘅問題架可?」

Janelle望落好驚,「唔……唔係……咁架。我……我……其實,算啦無嘢啦,我……我都係返班房先啦。」

我已經好肯定Janelle一定係知咗啲嘢,我心裏有啲唔太好嘅預感,佢要講嘅一定唔方好嘢。

我話「你講咗比我聽你見到啲咩先。」

Janelle深吸一口氣,好似終於下定決心咁「我尋日夜晚同daddy mummy出街去旺角食飯,見到一個好似你男朋友嘅人同一個矮矮地嘅女仔係條街到鬧交。因為嗰時好黑,所以我都唔係好肯定。但係既然你叫我講,咁我咪講出嚟先。」


我已經保持唔到冷靜了。Anson,點解你要咁對我?


(劇情要嚟料了,are you ready?)
已有 0 人追稿