逃離科興末日: 二
上到屋企之後就同另外三個討論要點避開喪屍。
首先要搞清楚來頭,所以我上咗連登。
「打完變喪屍 科興死者突變喪屍」
「17名死者變喪屍」
「正視聽 今次喪屍單嘢係科興引起嘅」
之後再上其他網睇,原來係科興疫苗入面啲武肺病毒變咗種,打咗一段時間之後個人就會瓜撚咗再屍變出去咬人。
「咕咕咕咕...」仆街,開始肚餓添。但係屋企又冇嘢食...
「你肚餓呀?」阿菴問我。
「嗯。」
「我出去搵物資啦。」阿菴諗住出去。
「喂唔好!」阿兒嗌住咗佢。
「做咩呀?」
「你唔記得咗班咸濕喪屍啦咩,成班毒撚喺度咬短裙女。」我補充。
「你唔係毒撚咩?」阿賢搭嗲。
「收皮啦你。」
「咁咪即係偽毒~」
「屌你咁撚多嗲,就你出去搵物資啦。」
「唔好啦。」
「屌你啦。」
「係囉。」阿菴都認同。
「yes lor。」阿兒都一樣。
「唉... 」
於是阿賢拎住碌棒球棍就出咗去。不過碌嘢都唔知喺邊度死出嚟嘅。
------------------------------------------------------
(阿賢視角)
「去... 呀!」落到樓下就好似玩緊RPG game咁,揸住碌棍係咁扑。
由樓下一路殺到入百佳,中途殺死咗好多喪屍(雖然唔知會唔會復活)。啲喪屍就好似新手咁,完全唔知點玩隻game,跟住班Lv.高嘅就不斷虐殺佢哋,幾撚正。
入到百佳即刻喺收銀度擸咗個大膠袋。
「呀呀呀呀呀... 」啲喪屍係咁衝過嚟想咬我喎,收皮啦。
我即刻跑去落閘。我掃完成間百佳之後見到班友圍晒喺入口,於是我去撚一撚佢哋。
「入嚟呀笨柒。」
「廢柴。」
攞埋碌棍再撚。
「嘩呀呀呀呀呀...」爭啲俾佢入到嚟
我即刻擸晒所有嘢開返閘走人,再由百佳殺返上屋企。
-----------------------------------------------------
(阿恆視角)
俾兩個校花圍住真係好正,扯撚晒旗。屌,真係唔撚掂。
「叮噹」有人㩒門鐘。
「喂,你冇死到咩?」我問阿賢。
「乜你真係咁想我死咩?」
「咁快啲打科興啦。」
「痴線。」
「呀呀呀呀呀...」隻喪屍竟然上到嚟36樓。不過我即刻用碌棍毆落去,死鳩咗。
「拎咗啲咩呀?」我即刻打開個袋望下。
杯麵... 餅乾... 益力多... 福麵... 維他奶... 薯片... 汽水...
「叮噹」又邊個呀?
「阿靈?」
「頭先做乜用棍扑我。」
「哦。」
「好衰囉。」
「哦。」
「俾我入去。」
「哦。」
而家令到原本得2個人嘅單位瞬間多咗1.5倍人...