簡介

唔想自己分手搞到街知巷聞?過嚟搵我啦。





過年過節嘅時候,啲三姑六婆,叔伯兄弟都鍾意問以下呢幾個問題。

「哎呀,有一排無見你,又高咗又靚女咗喎。」
我沉默,因為我知佢一定未講完。

「我個仔都出嚟做嘢啦,你好似都讀緊大學啦喎。讀咩科,畢業未啊?」

不出我所料,佢地年年都問埋呢啲,悶唔悶架。

「咁耐都未搵到男朋友?阿姨我個仔好生性乖仔架,條件又好喎。你同佢去食個飯,咪當培養下感情囉,好唔好?」





可能我而家都二十幾歲,到咗比人催婚嘅年紀。不過,呢位阿姨個仔好似都三十幾。之前見過佢一次,個樣真係令我不敢恭維。

呢兩個問題,我出嚟見佢地嘅時候都有準備,都勉強可以應對嘅。

「阿姨,我上年就同你講過啦,我大學讀哲學系架。而家都畢咗業一年啦」

「同埋呢我仲細,未想拍拖住。你個仔條件咁好,一定可以搵到更好嘅女仔。」

答完鬆一口氣,好彩今次力保不失。





但係,你估親戚會咁容易放過我,咁你就錯啦。

「真係大個女啦喎,你細個嗰時仲成日想要我抱你吖,而家一下子就大學都畢埋業」

「你做緊咩工啊?我個仔出嚟做嘢都係做咗幾年,而家樓都買埋啦。」

提起搵工,簡直係我嘅痛處。我大三,大四嗰時已經好努力搵工。但係我大學讀呢啲乞食科,打工嘅出路真係好小。再者,我成績又唔係特別標青。即使有好工,都唔會請我做啦。

就係咁,我係逼不得已之下,被逼一畢業就失業。





所以我惟有答嗰為阿姨「哦,我而家炒散喳。」

再補多句,「趁我仲細,想試多啲嘢,唔想規範住自己。」

其實,我真正嘅工作係,分手禮儀師。
已有 0 人追稿