返學都返左好一陣,班入邊啲人都識得七七八八。

阿正同阿恆都變咗我個死黨,成日中午食飯嘅時候都一齊約出嚟食,放咗學之後有咩功課唔識放喺WhatsApp group度問。

不過我就同啲女仔冇乜交流,最多有時上堂太悶,同阿菲吹吓水,或者上堂有嘢唔識會問吓阿

不過近排阿正越嚟越古怪,成日上堂都唔知周圍望啲乜,我哋吹水佢都係敷衍幾句就算。

有一日我哋中午一齊出嚟食飯,阿正一面悶悶不樂咁坐低。





我:「喂,你乜嘢事呀?」

阿恆:「有乜嘢就講出嚟啦,講咗出嚟我唔會笑你㗎。」

阿正:「你哋...唔好同其他人講喎。」

「梗係啦,我哋係好兄弟嚟㗎嘛。」

阿正歎咗一口氣。「唉......我鍾意咗一個女仔。」





「What the fuck, 係邊個靚女你咁睇得起?」

「係你隔離位啊阿恆...」

「屌,你個taste都幾好喎。」

阿恆嘅隔離位叫阿善,佢係我哋班嘅班花,個樣都有半個女神級,同埋佢講嘢都好溫柔,唔怪得阿正鍾意佢啦。

「你哋唔好講出去啊!」





「得,有其他人知我切J。」

「咁你而家係咪諗住追佢啊?」

「我唔知呀,但係我淨係一個普通樣嘅人,同埋阿善咁靚女, 一定大把男仔追佢啦,我邊有得同佢地爭啊。」

「唔好咁諗啦,你都唔係好樣衰姐,一於我哋三個諗諗計,諗吓點樣幫你追佢啦。」

「咪就係囉,橫掂我都坐佢隔離,有乜嘢我都幫到你㗎。」

「好囉......真係多謝晒你哋。」

「嗱,不如我介紹你俾佢識,你可以同佢溝通下先嘅。」

返到學校之後,阿正去咗廁所嘅時候,我坐咗喺阿善個位同阿恆吹水。





呢個時候,阿善入咗課室,我即刻起身比返個位佢坐。

阿恆:「阿善,呢個係我嘅朋友阿軒。」

阿善:「Hello nice to meet you. 你哋男仔數學係唔係好勁㗎,啱啱上堂有一題唔識。」

我同阿恆打眼色:機會嚟啦。

因為我哋知道阿正佢係數學學霸。

呢個時候阿正入返課室,我哋即去叫咗佢過嚟。

「呢個係阿正,佢數學好勁㗎,俾佢教你啦。」





阿正結結巴巴咁講:「你好......我係阿正......」

阿善話:「佢哋話你數學好勁喎,可唔可以教下我呢題點做?」

「...ok 啊...」

我同阿恆走咗出班房,比佢哋獨處,阿正望咗我哋一下,還以感激的眼神。

放咗學之後,阿正好雀躍咁同我哋講:「我啱啱大膽咁問佢攞電話號碼,佢真係畀咗我,太開心啦!」

「都話你得㗎啦,比D自信嚟。」

阿正:「話時話你哋有冇鍾意嘅人?」

阿恆:「仲未有喎,不過似乎阿軒成日搵阿講嘢,似乎對佢有意思喎。」





屌咪亂噏啦,好尷尬呀,搞到我面都紅晒。

「梗...梗係唔係啦,我都係上堂有嘢唔識先問吓佢姐。」

「嘩睇吓你塊面都紅晒,人哋都幾靚女喎,唔好唔認啦。」

「屌...屌你啊,邊撚係呀,唔好噏得就噏啦。」

我真係完全對阿冇feel囉,屌班契弟仲喺度亂吹。
已有 0 人追稿