［校園］［愛情］是咁的，我女神次次都考第一。: 四，阿菲鍾意嘅人

過咗幾日之後，阿正同我哋宣佈一個好消息。

「 Yeah，我竟然啱啱夠膽約我女神出去食飯，佢竟然話OK喎！」

「嘩今次真係恭喜你啦。」

「你真係勁喎，女神都俾你約到出去。」

「幾時諗住表白啊？」





「屌，太早諗啦。」

「真係估唔到你會係我哋之中最快出pool嘅一個。」

「我都唔知佢係咪對我有意思。」

不過係我哋吹水嘅時候，阿恆周圍望嚟望去......

中午出去食飯嘅時候，因為阿正約咗係女神阿善出去食飯，得返我同阿恆。





阿恆：「喂，我聽到兩個消息，想知好消息定壞消息先。」

「聽咗好消息先啦。」

「我觀察到有個女仔好似鍾意你。」

「Nani?」

「壞消息係佢唔係阿琪。」





「你老味，我都唔撚鍾意佢。」

「講笑啫，想唔想知係邊個？」

「講啦。」

「嘻嘻，係你隔離位阿菲。」

What the fuck，有冇可能呀，我O咗嘴。

「佢平時好少講嘢，但係淨係搵你一個男仔講，啱啱見到你同阿正講嘢嘅時候，見到佢係咁望住你，仲唔係鍾意你？」

「屌，但係我對阿菲冇feel，淨係當佢係朋友咋喎。」

「我唔知你呀，你唔鍾意佢咪就拒絕佢囉，不過唔好搞到人哋咁傷心。」





放學鐘聲響左，我準備走嘅時候，阿菲捉住我隻手。

「你可唔可以等一等，等啲人走晒，我有啲嘢想同你講。」

我諗返起中午嘅時候阿恆同我講嘅嘢，不過都係姑且聽下阿菲想講啲咩。

「ok啊。」

等啲人走晒之後，阿菲同我講：「其實，我鍾意咗......」

屌，唔通佢而家同我表白？我個心係度卜卜跳。

「......阿正，我見到你同佢好熟，但係我又唔敢表白，你可唔可以幫我轉告佢。」





好彩，嚇死我。但係阿正鍾意嘅係阿善，我點樣同阿菲講呢？ 諗咗一陣之後，我歎左一口氣，同佢講。

「其實......阿正已經鍾意咗第二個......真係好對唔住幫唔到你......」

阿菲呆咗良久，開始啜泣，趴枱度喺度喊。

「唔好咁傷心啦，世界上有咁多比阿正好嘅男仔......真係好對唔住呀。」

「...唔緊要...」

唉呢啲感情問題越嚟越複雜，我自己都好混亂。我到底應唔應該同阿正講呢？

第二日小息嘅時候，我哋三條友又係到吹水。

阿恆：「尋日阿菲搵你啊？」





「冇...唔...唔係啊，冇嘢。」

「屌，一定有嘢，男人老狗咪收收埋埋。」

「係囉，快D講。」

「屌，真係要講？」

「有咩咁尷尬唔講得，除非佢同你表白。」

「屌，唔通佢真係同你表白？我都話佢鍾意你啦。」

「on99，唔係啊...其實...佢同我講...佢鍾意你喎阿正。」





阿正O哂嘴：「What...WHAT THE FUCK!」

「嘩好撚爆喎，咁你點同佢講？」

「唉，我話阿正已經鍾意咗另一個女仔，幫唔到佢。」

「屌你，咪撚咁講，雖則我係追緊阿善，但係失敗咗可以搵佢做我備軩。」

「你老味，你咁做好撚渣。」

「最撚憎渣男，你咁做兄弟都冇情講。」

「屌，講下笑姐，使撚咁認真。」