今日三點半,我同阿恆同阿正到咗球場,預先練下波先。

我哋係到練緊三角傳球嘅時候,阿恆暗暗濕濕咁笑住講:「喂阿軒,我同阿正咗準備個驚喜俾你。」

「乜撚嘢啊,快D講。」

「都講咗係驚喜咯,唔講得,你一陣咪知囉。」

「屌啊,係唔係又玩鳩我?」





「邊撚係姐,包你一定開心到爆。」

去到五十分,陳Sir同他人都嚟咗。

陳Sir同全部人講:「大家今日放膽去踢,控球嘅時候多D做小組組織,前鋒不妨試下個人突破,失咗控球權就做多D迫搶。今日會打4-2-2-2陣,四個後衛,兩個防中,兩個攻中拉邊,打雙箭頭。龍門阿歷,左閘Jacob,右閘迪迪,中堅阿傑、麥雞,防中阿梓、阿恆,左攻中阿軒,右攻中Albert,前鋒阿正同Henry。」

OK喎,我哋三個都有正選踢,陳Sir之後走過來同我哋講:「我知你哋三個中一都好有潛質,俾心機踢,你哋嘅實力一定唔會差過班高中嘅。」真係多謝佢咁賞識我哋。

跟住我哋就企返去各自嘅位置。我企返去左邊,就喺觀眾席隔離。忽然隱約聽到有人講我個名,我向觀眾席一望,竟然係阿?!





「阿軒,加油啊!」我隱約聽到佢喺觀眾席度大嗌,我俾返個like嘅手勢佢。 點解佢會過嚟睇我踢波嘅?唔通…

算啦冇諗咁多,球證吹雞,開始比賽,我都要開始認真踢。

***

(阿正視覺)

其實我都估到七八成,阿軒同阿一定有嘢,即使佢哋唔係拍緊拖,都係至少有一個人鍾意咗對方。





次次講阿,阿軒塊面都紅到蘋果咁,佢哋兩個又成日走埋一齊,平時睇開阿軒,極少同其他女仔講嘢,即使係佢隔離位都唔會講好多,但係佢偏偏同阿咁friend,一定有古怪。阿都一樣,佢果次仲要約阿軒兩個人出去食飯。咁既然阿軒之前幫過我追阿善,咁我咪就當幫返兄弟,俾個驚喜佢先。

咁我尋日就WhatsApp左阿

「Hello阿,我係阿正。」 

「Hello,搵我有咩事?」 

「聽日我哋四點足球校隊有比賽,嚟唔嚟睇?你老公有份踢。」 

「…邊個又係我老公啊...」 

「係唔係要我畫公仔畫出腸?唔好明知故問。」

「又係阿軒啊,我都知你講緊佢啦,但係我哋真係冇嘢喎。」





「你唔認就算,咁聽日嚟唔嚟睇?」 

「佢有份踢啊...諗吓啦,喺邊度啊?」 

「喺公園路球場。」 

「咦咁啱係我屋企樓下,得喎。」 

「Good,阿軒實開心死。」

「你哋班男仔真係,聽日加油啊。」

搞掂。阿軒你今次真係要多謝我,成功咗記住請我哋食出pool飯。





***   

一開波,對面即刻㩒過嚟攻,我諗住去逼搶對面嘅右翼,點知佢同另外一個中場做一下one two就過咗我。

粒波俾咗前鋒,佢一塞直線,俾咗左翼落底傳中,個前鋒自己上返黎接應諗住頂頭槌,點知阿傑跳高解咗圍先。

對面有角球,一斬,對面嘅高佬中堅頂贏咗麥雞,不過角度太正中,俾阿歷輕鬆沒收。

佢即刻將粒波掉咗俾阿傑,佢嚟一球40碼長傳,我走咗去中場線出少少,控定粒波。 對面嘅右閘已經殺到埋嚟,我做幾下插花,佢唔過嚟搶,我就塞一球直線,通咗佢坑渠,比到Henry,佢傳返粒波出嚟,阿正企起十二碼點附近,大腳抽射...

「砰!」的一聲,粒波中柱彈出,爭少少啊,阿正都同我哋晒林。 跟住嗰10幾分鐘,我哋互有攻守,冇一球攻勢好入肉。

去到第18分鐘,阿恆將粒波交咗比Henry,佢嘗試諗住扭,點知比對手踢低咗。罰球! 我自動請纓射罰球。呢個係中距離嘅罰球,今次試吓用C朗式嘅落葉球。

我紮好馬,助跑幾步,大力抽射,粒波啱啱號越過左人牆,點知唔係好夠角度… 不過睇嚟粒波太大力,龍門只可以拍出,結果伏兵門前嘅阿恆一下鏟射補中成功。1:0!





佢走過來同我哋擁抱慶祝,話:「都話我識入波㗎啦,而家我唔使請食飯。」

「屌,你今次真係要感謝我,唔係我射呢球罰球,你都唔會執到雞啦。」

返到去半場開波,對手一直進攻,我哋見到贏緊,無謂逼得咁前。

喺上半場完之前,Jacob截到打反擊,傳咗俾我,我一下施丹轉身過咗對面嘅防中,喺後衛嚟之前傳中,Henry一球插水式頭槌攻門,龍門波皮都hi唔到。2:0!

上半場完咗,陳Sir同我哋講:「上半場踢得幾好,下半場繼續咁踢,入多幾球。」

跟住陳Sir換走咗Henry、阿傑同阿歷,應該係想班主力球員唞吓。

我上去觀眾攞支水飲下,同埋順便問吓阿:「咦,點解你今日嚟睇我比賽嘅?」





「阿正話你有比賽,叫我嚟支持下你,反正球場喺我屋企樓下,我又冇乜嘢做。」阿琪話

「多謝啦…」我苦笑咁講。

屌,睇嚟呢個就係我班好兄弟所謂嘅驚喜,佢哋真係以為我同阿拍緊拖。

「啱啱踢得唔錯吖!球罰球射得唔錯呀。」

「唉...都未入到波...我哋三個約定咗入唔到波嘅請食飯。」我愁眉苦臉咁講。

「你一定得嘅,我下半場就睇你入波啦。」阿同我擊掌。「加油!」

我落咗返去球場度,由於換咗人,要調整戰術,我調咗去打前鋒,睇嚟實入到波啦。

下半場一開始,我哋喺後場搓波,對手因為輸緊兩球,即刻上嚟逼搶,結果令到佢哋後防騰出好多空位,有利我哋打反擊。

第52分鐘,我傳咗個波比阿正,佢扭過一個後衛之後單對單面對龍門,佢一射,啱啱好喺柱邊出界。

第55分鐘,我係左路推進,cut入中路射近柱,龍門勉強救到。

第57分鐘,迪迪喺右路傳中,阿正嚟遲半步,粒波掠門而過。

雖然我哋呢幾球爭少少,不過我有預感就快會再入一球喇。

去到第63分鐘,阿恆放一球直線俾迪迪,佢即時傳中,不過質素有啲差,半腰波,人前波後,要入得一個辦法…

我打斜個身,見粒波嚟㗎喎, 90度角咁側身瞓落去,用呢鼓力,發隻右腳出去。

好好彩,粒波係一個好適當嘅時機嚟到我隻腳,我好準咁樣踢中咗粒波,一枝箭咁樣飛埋去龍門度,入咗啊!3:0!

呢球入球真係金球,十足似伊巴(Ibrahimovic)喺瑞典嘅時候射入嗰球超靚嘅側身窩利。



隊友沖埋黎同我慶祝,阿正話:「咁撚靚嘅入波,睇嚟今次我有可能要請你地食飯啦。」

我望向觀眾席嘅阿,佢舉起雙手為我歡呼,我俾咗個V嘅勝利手勢佢。

不過我諗都未諗過嘅嘢竟然發生咗……

去到第75分鐘,我背向龍門接波,望唔到後面有對手埋緊嚟,我縮唔切隻腳,佢一下飛鏟埋嚟,我成個人俾佢踢低咗。

屌,條友咁啱剷咗中我嘅左腳,真係好撚痛。呢一下係危險動作,球證俾咗張黃牌佢。

雖然隻腳真係好痛,不過始終我係罰球專家,都要去處理啲罰球。

隊友問我:「你得唔得㗎 ?使唔使休息吓?」 

「唔使啦,少少傷啫。」我堅持繼續比賽。

正當我助跑去射呢球罰球嘅時候,跑到粒波面前,突然左腳作為支撐腳痛左一下,成個人步穩不順,成個跌咗係地,今次隻左腳真係痛到老母都唔認得,我痛到企唔到起身,淨係可以好似尼馬(Neymar)咁喺草地上不斷打滾......






 
已有 0 人追稿