望返轉頭。「你話咩話?」

「阿,我...我哋不如今晚一齊食飯?」

笑咪咪咁講:「其實本身都想問你一唔一齊食飯,但係見到你隻腳咁傷,行多次落街就唔好啦。」

我諗咗諗,靈機一觸:「咁不如一齊打邊爐?我屋企有個鍋。」

「OK喎,就咁啦,我落去買材料,你想食啲咩?」





「冇所謂呀,有啲菜、肥牛,要幾粒芝心丸,唔該你呀。」

「咁好啦,你等我呀。」講完阿就轉身走咗去,離開咗我視線範圍。

我開門入咗屋企。呢個時候我已經忍唔住,跳起大叫:「Yeah!我成功約咗我女神一齊食飯!」

由於太興奮,以致樂極生悲,跳嘅時候又屈一屈親隻腳,屌。

冇幾耐之後,屋企嘅門鐘響咗。我打開門,阿攞住一大袋嘢返咗嚟。





我攞個鍋出嚟,放喺張枱度,放晒啲嘢食落去。

我哋兩個坐喺梳化度,一邊打邊爐,一邊開咗一集叫做《鐵達尼號》嘅電影睇。



而家係11月,天氣都幾涼下,食啲熱熱地嘅嘢,真係暖入心。

我諗,如果我以後有得日日同阿一齊食飯,一齊睇電影,咁我人生就真係無憾啦。





《鐵達尼號》係一個悲劇電影,故事係講男女主角係戀人,但係喺沉船事故入邊,男主角為咗救女主角而犧牲咗自己,兩人陰陽分隔。

我好有感觸,相信如果我係男主角,我都會唔要自己條命去救我鍾意嘅人。

睇完之後,我見到阿眼濕濕,係咁攞紙巾抹鼻涕。

我支支吾吾咁問:「Errr...你冇事嘛?」

有啲嬲咁揼咗我一錘。「點解…你哋男仔咁冷血嘅?人哋真係…好慘呀…」跟住就開始爆喊。

屌,唔知點講好,男人喊係一種恥辱,或者可能我將我自己代入左男主角太多,唔太體會到嗰種慘嘅感覺。

「唉…我都有好有感觸㗎。唔好喊啦,最多我彈返首歌俾你聽。」

破涕為笑。「好啊,唔好…唔好再彈啲咁傷感嘅歌。」





我笑咗笑,走埋部琴度坐低咗,彈咗一首我之前一直練緊但係唔知送俾邊個嘅歌:

我聽見雨滴落在青青草地

我聽見遠方下課鐘聲響起

可是我沒有聽見你的聲音 認真呼喚我姓名

愛上你的時候還不懂感情

離別了才覺得刻骨銘心

為什麼沒有發現遇見了你 是生命最好的事情





也許當時忙著微笑和哭泣

忙著追逐天空中的流星

人理所當然的忘記

是誰風裡雨裡一直默默守護在原地

原來你是 我最想留住的幸運

原來我們 和愛情曾經靠得那麼近

那為我對抗世界的決定 那陪我淋的雨

一幕幕都是你 一塵不染的真心





與你相遇 好幸運

可我已失去為你淚流滿面的權利

但願在我看不到的天際 你張開了雙翼

遇見你的註定 她會有多幸運


呢首《小幸運》我已經練咗三個月,都算練得OK,今次竟然有幸喺我女神面前自彈自唱出嚟,我真係有福啊。

拍晒手掌。「勁啊,估唔到你彈琴唱歌都有一手,第時一定氹死啲女仔啦。」

我尷尬咁講:「咁…我有冇氹到你?」





「咩啊…我又唔係俾你溝。」阿有啲面紅。「咁不過你都令我開心返嘅,多謝你呀。」

唔知唔覺已經去到九點,阿夠鐘返屋企啦,我送佢出門口。「拜拜,下次見!」

行到走廊嘅一半,忽然擰轉頭同我講:「阿軒,多謝你邀請我嚟你屋企,同你呢個朋友一齊…真係好開心。」跟住佢就笑咪咪咁走咗。

我嘅心就好似食咗蜜糖一樣咁甜。

***

去到十點半,家姐返咗屋企。

「今日比賽點呀啊?」家姐放低佢嘅背囊,隨口噏咗一句。

「梗係贏咗啦,不過你望下我隻腳先啦。」我坐喺梳化,有啲不忿咁講。

家姐走咗過嚟。「哎呀,你冇事嘛?做咩傷成咁呀?」佢好擔心咁問。

「屌你啊家姐,而家先嚟問,知唔知啱啱好撚痛啊?你真係,約人去街玩都唔留意下你細佬,我爭啲上唔返屋企啊,好彩唔係得家姐一個女仔會關心我…」

仆街了,我意識到自己講錯嘢,即刻暗住個咀。

家姐噗哧咁笑咗出嚟。「明白明白。」

佢走咗入廚房。「嘩,點解你攞咗個邊爐鍋出嚟嘅?」

「我啱啱自己打邊爐食嘛...家姐你啱啱去咗邊度啊,食咗啲乜嘢啊?」我嘗試叉開話題。

「唔好諗住呃我啦,邊有人自己一個打邊爐食㗎 ?」家姐笑淫淫咁望住我。「快啲講!你啱啱係咪約咗林凱上嚟屋企?」

「邊個係林凱啊...我都唔識佢。」我詐傻扮懵咁講。

「仲扮嘢?之前佢早會中一全級第一上台攞獎,我就認得出係佢上次同你一齊食飯。唔好傻啦細佬,我同林凱都係家政學會㗎,上次我仲問佢識唔識你,佢話同你好熟喎。聽你啱啱咁講,我都知你係約咗佢啦。」

屌,事到如今,我冇得唔認。「好啦我認囉...係呀我約咗阿。」

「你真係呀,約咗女仔上屋企?從實招來,你哋做過啲咩?」家姐步步進迫。

我口窒窒咁講:「都冇咩啊…食個飯...睇個電影姐,我哋...只不過係朋友。」

「扯,仲以為你哋拍緊拖。咁而家係你個樣,都知係你鍾意人哋啦,係唔係啊?」

我塊面紅晒咁佢家姐。「真…真係要講?」

「驚咩姐,我又唔會同人講,你放心話俾家姐知就得啦。」

我尷尬咁點咗點頭。

家姐笑晒口咁講:「都一早話咗你係㗎啦,人哋好女仔嚟㗎,算我細佬有眼光,俾心機追人哋啦。」

「Errr...其實我冇諗住追佢。」

家姐有啲驚訝。「咁鍾意人哋咪就追佢囉。」

我搔咗搔頭。「但係…我驚俾人拒絕咗,朋友都冇得做。」

「你咁細膽㗎 !俾我係佢都唔會鍾意呢啲咁細膽嘅男仔啦。」家姐有啲不滿咁講。

「屌啊,你咪就都係想食花生。」

「邊係想食花生姐?真係想幫你呀,係咁嘅話,你到時諗住追佢我就唔幫你啦。」

「好好好,對唔住,係我錯。咁...真係幫我?」

「而家又有膽啦,咁好啦,我教你,如果你要氹一個女仔嘅話…...」







 
已有 0 人追稿