嚟緊呢個禮拜五就係學校旅行,我哋班喺禮拜一投票去邊。

Miss Cheung 話:「有冇人有意見去邊?」

阿正舉手。「長洲。」

屌,長洲邊撚好玩,又多人。

重點係要搭船,我會暈船浪。





我即刻舉手反對。「唔好長洲啦,去西貢。」

阿正細細聲同我講:「屌,係都要同我唱反調?」

「唔係呢,係我真係唔想去。」我回應。

Miss Cheung:「好,咁舉手投票,邊個讚成去西貢?」

我舉咗手,點知得我一個舉手。班房爆出恥辱嘅笑聲,屌,今次真係柒撚到爆,我勁尷尬咁縮番埋隻手。 「咁邊個想去長洲?」全班人即刻舉晒手。





「好,咁今年學校旅行我哋就去長洲。」Miss Cheung宣布。

阿恆話:「On9仔,邊撚個會想去西貢呀,無聊到死。」

「嘻嘻,對唔住啦阿軒,但係我覺得長洲好玩啲。」阿吃吃笑咁講。

「屌,我真係有原因唔想去…不過算啦,講咗出嚟會好柒,唉,你哋全部人都想去,我唯有照跟啦。」我歎咗一口氣。

Miss Cheung之後同我哋講:「咁你哋旅行自己分組啦,五至六個人,最好有男有女。」





嘩正喎,咁我就可以名正言順咁搵阿一齊啦。

阿正同我打咗眼色,示意叫我搵阿,我翻咗佢一下白眼。

我扮勉為其難咁嘅樣問佢:「Errr...我同你一組好唔好?」

「梗係好啦,你係唔係搵埋你嗰兩個好朋友呀?」阿笑咪咪咁講。

「係呀,我估佢哋應該搵多一兩個女仔。」

我擰轉頭望,見到阿正同阿善講得好開心,阿正唔為意咁望向我呢邊嘅時候俾咗個OK手勢我,睇嚟佢應該約到阿善啦。

「搵理咗阿善。」我同阿講。

「OK啊,如果可以嘅話,你幫我問埋阿菲得唔得?」





我問阿菲,但係佢婉轉咁拒絕咗,可能係因為阿正嘅緣故掛。

咁我哋五條友,我、阿、阿恆、阿正同阿善就一組,唔知點解阿正竟然自薦,肯負責去準備燒烤材料,硬係覺得有啲古怪。

返到屋企,我同家姐講:「哈哈,我約到女神同一組去學校旅行!」

家姐話:「勁喎,去邊啊?咁你有咩計劃呀?」

「去長洲囉,但係冇乜計劃喎...」我有啲頹咁講。

家姐笑咗一笑,講話:「去長洲呀,咁我就知嗰度有一度地方你應該去啦…」

***





終於去到星期五啦,我哋八點半返到學校,坐旅遊巴去中環碼頭,跟住坐渡輪。

啲海浪一直拍打隻船,搖嚟搖去,搞到我開始有啲唔舒服。

我哋坐嘅係豪華位,五個人坐埋一台,喺度吹水。

阿恆:「你哋有冇人聽過長洲嘅一個笑話?」

阿正:「哦我知!長洲賓客人數多。」

阿善:「有咩咁好笑啊?」

:「唔係好get。」

阿恆:「試下掉轉黎讀啦。」





慢慢咁逐隻字讀:「多…數…人...客...賓...洲...」未講到最後一隻字阿已經知係咩,面紅晒咁講:「你哋男仔有冇搞錯,成日講埋啲鹹濕笑話。」

阿善笑住咁講:「OK喎呢個笑話,不過阿正你都唔長,唔係好啱囉。」

「你都未見過,唔好亂吹啦,使唔使我下次show俾你睇下?」阿正不忿咁講。

「嗱,你話㗎,唔好後悔喎。」阿善話。

「唔後悔,驚你望得目瞪口呆姐。」

呢個時候,阿恆問我:「喂阿軒,你乜事啊?平時你一聽到呢啲鹹濕笑話即刻笑到碌柒,做乜今日一啲反應都冇?」

「我暈船浪呀…」屌,而家越嚟越暈,聽到笑話都笑唔出。





擔心咁問:「你冇事嘛?」

我勉強回答:「有啲暈…不過應該冇乜大不了嘅。」

阿正笑騎騎咁講:「唔怪得你話唔去長洲啦。阿,你條仔好似唔係好妥,不如你幫佢做人工呼吸啦。」

「係呀,唔係佢有機會嘔到入醫院㗎。」阿恆附和。

我有氣無力咁講:「屌...你哋咪玩佢啦…」

阿善趁熱鬧咁問:「咦,你哋原來一齊咗㗎啦?」

我哋兩個都好尷尬咁擰頭。

終於到長洲啦,我已經忍唔住,衝左出船,即刻嘔左落個甲板度。

好彩之後已經冇乜嘢,面色都冇咁青。

Miss Cheung 宣佈:「而家你哋自由活動啦,四點準時喺呢度集合。」

我哋五個人行咗去燒烤場,阿正一路上同阿善喺度打情罵俏。

去到燒烤場,我哋放低啲嘢,將幾舊擺喺個燒烤爐度,點着火,跟住就開始燒嘢食。

阿正攞咗啲準備燒嘅嘢出嚟,有腸仔、魷魚,仲有一大堆雞翼。

阿正燒完一隻雞翼之後,竟然唔係自己食,俾咗阿善食。

呢個時候阿恆終於忍唔住開口:「屌你啊阿正,點解出咗pool唔同我哋講?」

阿正詐傻扮懵咁講:「你講咩呀?唔明。」

「仲扮嘢啊?啱啱搭船你竟然敢同阿善講話俾條賓周佢睇,一路行過嚟嘅時候你哋喺度打情罵俏,啱啱仲要燒隻雞翼俾佢食。你唔好以為你唔講我哋就唔知,唔好再收收埋埋啦,出pool飯係一定要請㗎啦。」

阿正仲想狡辯嘅時候,阿善話:「算啦,我哋唔好再地下情啦,我同阿正早喺兩個禮拜前已經一齊咗啦。」

我話:「好刺激喎,過程係點㗎?」 

阿善講:「唉,之前我已經同佢暗示咗好多次啦,佢都係朦朦地唔明,搞到變咗我呢個女仔要主動表白。BB,不如我哋唔好再收收埋埋,反正我信你班朋友應該都唔會講出去。」跟住佢一下咀咗囉一面呆咗嘅阿正度。

不得了不得了,有情侶公開放閃,我哋即刻攞起手機影低呢個長達20秒嘅法式濕吻。

我忽然幻想起,有一日我同阿做咗情侶,我哋雙唇緊接,就好似阿正同阿善咁。唉但係我都唔會敢去表白,真係驚連朋友都冇得做。

諗得太多之際,一唔留神,我燒嗰條腸仔跌咗出嚟,喺烈火中變成另一舊黑炭。

我忍唔住大嗌一聲:「屌!」

阿恆笑咗。「抵死啦,邊個叫你掛住做電燈膽,咁嘅一條腸仔就冇咗啦。不過你可以搵阿幫你燒過。」 

「算鳩數,我自己燒多一次。」

呢個時候突然有兩個女仔行埋過嚟,睇嚟應該係其他學校嘅初中學生同我哋一樣嚟呢度學校旅行,佢哋有啲尷尬咁同我講:「Hello,你好靚仔,可唔可以加你IG?」

我好爽快咁比咗個IG名佢哋。

等佢哋好開心咁走咗之後,阿恆噗哧咁笑咗出嚟。「嘩你咁都叫做靚仔?而家啲人嘅審美觀越嚟越差啦。」

「屌你,呢啲嘢叫反襯,佢哋見到我同你坐埋一齊,而你又樣衰又毒,對比之下我呢個OK樣就顯得格外靚仔。」我寸反佢。

有啲疑惑咁問:「咁點解你咁順攤俾咗個IG佢哋嘅?」

屌,忽然醒起女神就喺我隔離,我啱啱咁樣做,唔通會令佢覺得我係一個player?

「Errr...咁我比佢哋嘅IG係public嘅,又…又唔係見到有女送上門就溝。」我支支吾吾咁解釋。

阿正話:「係呀,佢眼中剩係得你啊阿。」

「唔係咁呀…」我含糊其詞咁講咗一句,望一望阿,見到佢偷偷地笑咗一下。

燒完烤,我哋周圍掃下街,食下啲長洲大魚蛋、芒果糯米糍之類嗰啲嘢食。

行吓行吓,見到一棟牆,掛滿住一啲鎖。

阿善拉住阿正跑過去。「呢個就係出名嘅長洲愛情鎖牆啦!我哋快啲去留返一個鎖喺嗰度啦!」

牆上面嘅鎖全部都係情侶之間互相嘅約定,唔知佢哋可唔可以撐到落去一生一世呢?

佢哋掛好之後,喺牆前我哋幫佢哋影咗幅情侶照,跟住我哋五個人又嚟嗰幅合照。

諗住走之際,阿突然拉住我隻手,問我:「我…我可唔可以同影返一幅合照?」

女神叫到,梗係OK啦,咁阿恆就食花生咁幫我哋影咗一幅相。

事後攞嚟睇返,佢拉住我隻手,少少垂低頭,面泛紅暈,望落去真係好可愛。唔知點解,我同阿望落去好相襯,好有情侶feel,唔怪得佢哋成日以為我哋兩個一齊咗啦。

我哋一齊走嘅時候,我偷偷喺牆上掛咗一把鎖,寫滿住我對阿嘅心意。希望有一日,有幸嘅話,佢可以返到嚟呢度,望到呢把鎖。

雖則話係學校旅行,但係都係我同阿第一次一齊出去玩,真係難忘嘅一日。

美中不足嘅係我坐船返嚟嘅時候又嘔多一次,好彩今次喺廁所度嘔,唔係嘔到通地都係。

返到學校已經係夜晚,我哋一齊出咗去食pizza,當然係阿正請啦。









 
已有 0 人追稿