又過咗幾個禮拜,就快到聖誕聯歡會喇。

聽我家姐先知道,原來中學嘅聖誕聯歡會同小學嘅完全差天共地。 

首先,中學嘅聖誕聯歡會有音樂比賽,我哋可以自己個名上去參加。 

第二樣嘢,係班房開party係外賣買一大堆Pizza壽司之類嗰啲返嚟食,而唔係同學自己各自整嘢食。

仲有,小學嘅時候班房嘅遊戲都係老師準備嘅,而家係我哋可以自己揀玩咩都得。





最重要嘅係,而家唔使自己攞禮物出嚟大抽獎,可以自己私底下交換禮物。

因為今日阿問我:「聖誕聯歡會就嚟到,有冇…諗住交換禮物?」

「同你交換?好啊,咁你想要啲咩?」 

「你估下!」佢笑咪咪咁講。

我搔搔頭。「唔知喎…」





笑而不語。

返到屋企,我又問多次家姐:「通常啲女仔鍾意收啲咩聖誕禮物㗎 ?」

「其實唔係話鍾意收乜嘢,係想要同埋需要乜嘢。」家姐扮到專家咁講:「你平時留意下人哋,咁咪就知囉。」

第二日返到學校,天氣都幾凍下,我上堂嘅時候,唔為意咁望到阿係咁捽手,佢凍到隻手紅晒。

我知要送啲咩啦…





返到屋企,我問家姐攞咗一堆毛線同針,即刻起房入邊趕工。

雖然我嘅手藝都係爭咁啲,不過經過幾日嘅努力,算係完成咗呢份禮物。

***

聖誕聯歡會嘅朝早,我好早就返到學校,點知阿比我仲早。

「阿軒,呢個係送俾你嘅禮物。」佢喺袋入邊攞咗盒箱出嚟。

「多謝…」我拆開佢,嘩正呀,原來係歐聯嘅官方專用足球,質地好好,藍色波浪嘅底層加上12粒淺白色嘅星星,一睇就知係一個高質嘅足球。

「知你鍾意踢波,我行咗好多間商店先搵到㗎,唔好亂咁踢踢壞佢啊…咁我嘅禮物呢?」

「喺呢度啊…」我喺袋入邊攞出一對我自己整嘅手套。「我自己織㗎…希望你會鍾意啦。」





「嘩呢對手套幾好啊,仲要係我最鍾意嘅粉紅色,我好鍾意呀,真係多謝你。」

真係冇白費到幾日嘅心機,女神話鍾意我份禮物,開心到爆。

喺班房開party之前有音樂比賽,作為一個鋼琴好手,我梗係參加咗啦。

我又係自彈自唱返嗰首我第一次彈俾阿聽嘅《小幸運》,彈嘅時候,我唔為意咁望到我哋班有幾個人喺台下揮手幫我打氣,除咗我嗰兩個好兄弟之外,都包括阿,真係感動。

雖然我最後淨係攞咗季軍,不過可以喺女神面前彈返一次屬於我哋兩個回憶嘅歌,已經好心滿意足。

去到班房開party,我哋幾個男仔出咗去攞外賣Pizza返嚟,跟住就係班房大飲大食。

之後就係遊戲時間,我作為班會主席,負責諗咗幾個遊戲,第一個係真心話大冒險。





我哋班嘅玩法係咁嘅:一開始抽咗一個同學A,再抽多個同學B,由同學A出題俾同學B,下一輪再抽多個同學,由啱啱作答嘅同學B出題,如此類推。

好唔好彩嘅係,我係第三輪俾人抽中咗,咁啱上一輪嘅係阿恆。費事俾佢哋玩,我揀咗真心話。

佢笑淫淫咁問:「你係唔係鍾意阿?」
 
On99,邊有人會起真心話大冒險問啲是非題,咁當然我好誠實咁講咗一個大話:「唔係。」

咁啱得咁翹,下一個抽中嘅係阿正,佢揀咗大冒險。

我當然唔放過呢個食花生嘅機會啦。「大冒險係當眾放閃。」

阿正俾咗個OK手勢我,行埋去阿善度,攬實佢,咀咗落佢度。

真係好閃,眼都就快盲,我哋梗係又即刻影低佢啦。





完事後阿善面紅晒咁講:「我…好愛你。」

「我都係。」阿正返埋位俾咗個心佢。

好彩老師咁啱出咗去,真係太激,我哋班一直喺度起哄,就快造成騷亂。

最後我哋全班影咗一幅大合照,我好好彩咁企咗喺阿隔離,返去睇返幅相,先知道阿恆喺度惡搞,係我哋兩個後面做咗個心形手勢。
 
已有 0 人追稿