過完聖誕節假,新嘅一年,又要考試啦。 今次考試認真溫書少咗,冇得好似上次咁同阿琪一齊喺圖書館溫書,自己喺屋企溫效率一定低啲,因為我個人比較容易分心。

不過考出嚟都唔差嘅,科學繼續有第一,中史同地理都啱啱好低飛過,排名當然冇咁上次咁好,不過都有全級18名嘅。

考完試就係下學期,下學期嘅第一日Miss Cheung喺朝頭早宣布:「今日我哋會調位。」

What the fuck,呢個位唔差,有得同班朋友傾計,仲要女神坐附近,而家話調,爭啲屌咗出嚟。

當然調位冇得我哋自己揀啦, Miss Cheung一早已經整咗張新嘅座位表,擺咗喺黑板度,叫我哋自己出嚟睇,跟住執書包坐返新嘅位。





我都未反應得切,成班人已經一窩蜂咁衝咗出去,人山人海之下點撚睇得到張座位表啊。

阿正同阿恆一早已經沖咗出去睇完,返嚟之後笑吟吟咁拍拍我膊,扮晒嘢咁講:「今次真係幫唔到你啦,自己執生啦。」

屌,唔通我隔離坐嘅係基佬或者肥婆?定係我自己坐單人位啊?

等啲人走晒我就過去睇,搵緊自己個名。

搵緊搵緊......





OH MY GOD! WHAT THE FUCKING LUCK IS THIS!

我唔敢相信自己嘅運氣,可能睇錯掛,擘大眼望多次:

|王子軒 |林凱

真係估唔到,我竟然有幸同我女神坐埋一齊,同埋呢個調位會一直去到年尾,簡單講句,我同阿可以一齊相處半年。

真係好多撚謝Miss Cheung。





我行返埋位執嘢嘅時候,不自覺咁滿面笑容,阿正話我一定係嘴角含春。

坐咗佢個新位,喺第三排嘅中間。

坐咗埋嚟,笑咪咪咁講:「呢個位幾好,難得有個好朋友一齊。」

今日天氣仲係幾凍,佢帶住嗰對粉紅色嘅手套,應該望唔到我笑得幾冧。

***

一齊坐咗幾日,我真係好慶幸我可以同佢一齊坐。

雖然阿上堂都幾專心,唔會老師講緊嘢同我傾計,但係有時上堂我發緊夢嘅時候一旦老師問我問題唔識,佢會靜靜雞咁同我講個答案,咁就唔使俾老師罰。

第二樣嘢,有乜嘢唔識我都可以問佢,唔會上堂懵盛盛咁去到溫書嘅時候先發現咩都唔識。





最好嘅一樣嘢係,而家佢中午會搵我食飯,放學會等埋我一齊走。

或者呢啲係每個毒撚一直渴望女神同佢哋嘅相處模式,但係唔好意思,我就係咁好彩,有得同我女神行得咁埋。

其實我都試過ff過,有冇機會阿都係鍾意我呢?

我諗,佢應該都係當我係朋友姐,如果佢有鍾意我嘅話,應該都feel到我對佢有意思啦。

嗰時太細個,冇諗過太多野,過咗幾年先發覺,我嗰時嘅洞察力實在太低啦。

如果我當年唔係咁傻乎乎,我諗,結局或者會唔一樣。

***





去到2月14號係情人節,你話我好彩定點,年年一定收到好多禮物。

唔單只係因為情人節嘅緣故,咁啱2月14號就係我生日,其實都唔知有時啲女仔送禮物俾我,係情人節禮物定係生日禮物。

好唔好彩咁, 2月14號唔係公眾假期要返學,不過咁就代表情人節同生日可以同我女神一齊過。

去到嗰日嘅朝頭早,家姐好早就叫咗我醒,話有個驚喜俾我。

「快啲啦,再遲啲醒就冇㗎啦。」家姐拉住我起身。

佢係焗爐度攞咗個甜品出嚟。正呀,係我最鍾意食嘅心太軟。

「嗱,唔好話家姐對你唔好,呢個就當係你嘅生日禮物,整呢個心太軟搞到我五點就醒咗。」

家姐嘅手藝都唔錯,個溫度啱啱好,啲朱古力又夠甜。「多謝家姐,家姐真係好,細佬錫晒你。」





「咪講啲咁嘅嘢,你最錫嘅唔係我,你自己知係邊個啦。」家姐不懷好意咁講。

食完之後,家姐今日有事要早返學,我就破例一次陪佢7:20就開始行返學。

行到去球場隔離,忽然見到阿,喺佢屋苑嗰度行咗出嚟。

「咁啱嘅?」

「你今日咁早嘅,我以為得我會咁早返學。」

「冇乜嘢,今日都係陪下我家姐返學姐。」

「Hello林凱,咁…我唔阻住你哋兩個啦。如果我細佬對你唔住,同我講啊,返去我會好好處置佢。」家姐講完就即刻急急腳行走咗。





「家姐咪玩啦翻返嚟…王子晴你好嘢快啲翻返…」但係佢已經一早消失喺我眼前。

「係呢…有啲嘢送俾你。」阿喺書包攞咗一個禮物盒俾我。「而家唔好拆住,返屋企先開嚟睇。」

我試探咁問:「係唔係情人節禮物嚟㗎?」

有啲嬲咁篤咗我一下。「你…你諗咩啊,我…我又唔係你女朋友。呢個係你嘅生日禮物嚟㗎,你睇下我幾有心思。」

我尷尬咁笑咗笑。「講笑啫。但係你又知我生日嘅?」

「你真係好傻啊,你自己將你生日擺咗上IG嘅個人介紹,係人都知啦。」屌我真係冇記性。

「係呢…你上次學校旅行嘅時候加咗嗰兩個女仔IG,佢哋有冇搵你?」行行下佢突然無啦啦問我。

「冇…佢哋可能都係想加我姐,睇下我啲post。」我好唔正經咁講:「你呷醋啊?」

「妖,又亂講野,你下次再咁我就唔送生日禮物俾你喇。」今次阿嬲到扭住我耳仔。

「對…對唔住…停…痛呀…」

鬆開手。「你…你哋男仔成日恰我,成日個腦都諗埋呢啲衰嘢。」佢面紅晒咁講。

「冇…都冇。唉好啦,最多我今日獻出我生日嘅時間,中午陪你一齊去食飯,當係賠罪啦。」

「邊…邊個咁想同你食飯。」

「咁你嚟唔嚟啊?」 

「好啦,見你今日係壽星公,不過下次我生日你要回禮喎。」

「梗係啦。」

返到學校,去到第一個小息,我已經收到兩三份禮物。

有啲女仔喺度周圍派朱古力,識我啲人知我今日生日嘅話,都會俾多粒朱古力我。

「喂仆街仔,生日快樂呀。」阿正行埋過嚟。

「我冇準備禮物,但係最多中午返請你食飯。」阿恆話。

「唔使啦…已經約咗人。」我下意識咁望一望隔離個位,啱啱阿去咗廁所。

「屌你,又重色輕友。」阿正不忿咁講。

我苦笑道:「佢係友,唔係色。算啦,你哋都可以嚟埋嘅。」

阿恆拍下我膊頭。「明白嘅,咁我都廢事阻住你哋兩個,我去做阿正嘅電燈膽算。」

今日學校無啦啦淨係需要上半日堂,放咗學之後,我同阿返屋企換咗衫,約好咗喺我屋企樓下等。

「去邊度食啊?可以去遠少少,反正今日星期五遲啲冇嘢做。」阿問我。 

「不如去旺角啊,搭火車20分鐘就到。」我提議。 

我哋去到旺角之後,行咗一陣商場,見到有個情人節嘅活動,有塊巨型嘅心心做背景俾啲人影相。



話想影一影做個紀念,我就陪佢行咗過去。

原來嗰度有得俾$20即影即有,咁我哋就俾咗$20攝影師,叫佢幫我哋影一張。

攝影師話:「不如男朋友搭住女朋友嘅膊頭,咁樣會影得好睇啲。」

我哋尷尬咁望住對方傻笑。

「唔緊要啦,我俾你搭膊頭啦,男、朋、友。」

「咁好啦,我蝕底啲啦,女、朋、友。」

就咁樣,因為我哋影相有關係,我哋做咗十幾秒嘅情侶。

如果嗰十幾秒可以延長,咁不知幾好呀…

我哋去咗一間拉麵店食,雖然幾貴下,但係真係幾好食。

食完之後我哋去咗食糖水,當然又食多一次我最鍾意嘅心太軟啦。

我問阿:「係呢…啱啱影嗰張相可唔可以擺喺IG啊?」

「好啦…反正我個樣都冇炒到,不過…遲一日先擺,費事啲人話我哋兩個有嘢。」阿又開始面紅。

「好啦,費事啲人誤會。同埋諗吓都知唔係真㗎啦,我已經有鍾意嘅女仔啦。」費事尷尬,我講咗個「大話」。

「吓,邊個呀?」阿好奇咁問。

「唔講得啊,講咗會死。」

「嘩,你咁講,唔通係我?」阿打趣咁問。

「唔…唔係呀,唔好咁自戀啦。」尷尬嘅而家係我。

「邊有自戀啊,你識到個咁靚嘅朋友,慶幸到嚟唔切啦。」

我搖頭。「我…我唔係見到靚女就鍾意啦。」

的確阿真係幾靚下,同埋我都係鍾意佢,但係唔係因為佢靚。

「扯,咁都玩你唔到,同埋我都未必受你溝啦。」阿琪有啲失落咁講。

呢個時候,家姐打咗電話嚟。「細佬,我幫你訂咗蛋糕,但係攞嘅時候先發現訂大咗,驚食唔晒,不如你叫埋你啲朋友過埋喺屋企開生日party吖。」

「好啊。」

「咁你叫佢哋六點嚟到,拜拜。」

問我:「你家姐吖?」

「係呀,佢話生日蛋糕買大咗,叫我叫埋你哋一齊嚟我屋企開party喎。」

「有蛋糕食呀,好啊,嘻,咁多謝你啦阿軒。」

我WhatsApp call埋阿恆、阿正同佢女朋友,佢哋都話OK。

我同阿行多一陣商場之後,返到去我屋企,已經係六點。

我班朋友已經嚟到,一見到我哋兩個,就話:「咦,壽星公同佢條女返咗嚟啦。」

我對佢哋豎起咗隻中指。

家姐外賣訂咗啲壽司返嚟食,食完之後就係切嗰個好大嘅芒果蛋糕。

食蛋糕之前有得許願,大家都知我許咩願啦:

希望我同林凱最終有得一齊。

唔知呢個願望最後有冇得實現呢?

食完蛋糕之後已經八點,我送班朋友出咗門口,先至拆開阿送俾我嘅生日禮物。

原來係一個好靚嘅水晶球,仲可以播音樂添,睇嚟佢為我準備份禮物都花咗唔少心思。



佢仲寫咗一張生日卡俾我,我拆開嚟睇:

「王子軒,

我祝你13歲生日快樂,

希望你鍾意份禮物啦。

同你買呢份禮物都洗咗唔少錢,好好珍惜佢啊。

14/2 林凱

我爭啲感動到喊,搞到我真係好鍾意佢。

如果有幸可以同到佢一齊,我呢一生一世真係冇遺憾啦。




 
已有 0 人追稿