之後嗰日返到學校,我成個人好頹咁,上堂無精打采。

睇得出我有啲唔妥,問我:「阿軒,你冇事嘛?」

我吞吞吐吐咁講:「其實…」

我將Miss Cheung同我講嘅嘢講晒俾佢聽。

「就係咁…所以…我下年未必可以同你同一班…冇得好似而家咁…」





我講到就快喊出嚟咁滯。

呆咗一陣。

「真…真係?」

我點左點頭,趴係枱上面,唔想俾佢見到我喊。

「Errr...唔緊要…最多…中午陪你一齊食飯,次次放學都去隔離班房等你一齊走囉。」阿拍拍我膊頭。





「真嘅?」

我抬起頭,含情脈脈咁望住阿,佢嘅雙曈流露出真摯嘅眼神,我嘅眼淚不自覺咁又流落嚟。

「梗係啦,你唔記得嗰日我哋嘅承諾,要做一生一世嘅好朋友咩?我驚你唔守信用咋!」佢緊握住我隻手。

我破涕為笑。「我邊會唔守信用啊。」

「雖然你最好都入到A班…一係咁啦,而家開始我日日陪你放學留喺圖書館溫書,點都幫你格硬攞返個75分返嚟。」





呢個或許都係唯一嘅辦法,不過辛苦佢啦。

「真係好多謝你…阿我真係好鍾意你…」

佢塊面開始有啲紅。「唔好講呢啲啦…」

而家四月底,大考喺六月頭,即係話我仲有一個月多啲嘅時間去準備。

由嗰日開始,阿放咗學之後,就拉我去圖書館,幫我惡補中文。

大考嘅中文同以往唔同,除咗有閱讀卷之外,仲有作文卷、聆聽卷、同埋說話考試。

其中我最弱嘅係作文卷,文筆頗為差劣,記敘文流水式咁寫,毫無寫作手法可言。

話:「嗱,寫作文最重要係多加練習,考試嘅時候就會寫得得心應手。」





佢話同我一齊練習係一個鐘限時內寫完一篇作文,題目係《難忘的一天》。

寫完之後我哋交換睇,令我大吃一驚係,我哋都係寫一齊去學校旅行嘅嗰一日,愕然咁望住對方,尷尬咁笑咗笑。

竟然可以喺一個鐘頭寫到1200字,已經可以去到高中生嘅水平,而我淨係寫咗600字,真係慚愧。 

「600字唔夠㗎,你又唔使寫到我咁多,不過如果要高分嘅話,至少要有800至900字啦。同埋呢,你望下你篇文,完全係流水式敘事,你要刻劃一下嗰一日有幾難忘先得。你成日重複一啲好簡單嘅詞彙,除咗開心、快樂之外,你可以用啲成語,例如歡喜若狂。修辭手法都好重要㗎,用多啲,例如比喻、排比,呢啲係加分嘅因素嚟㗎。」佢審視完我篇文之後慢慢指出我應該改善嘅問題。「如果你唔係好識嘅話,你可以參考下我篇文。」

嘅作文水平完全同我係兩個唔同嘅層次,即使大家係寫同一件事,睇嘅時候都有好大分別。

「就算一開始寫得麻麻哋都唔緊要啊,聽日我哋再練多一次啊。」

我隻手已經完全冇力,聽日仲要嚟多一次。





但係為咗入A班,為咗唔好離開阿,我決定豁出去。「好啦。」

之後我同佢一齊練多咗差唔多10次作文,我發覺我已經寫得好得心應手,越嚟越接近高分嘅水準啦。

除咗作文之外,聆聽卷同說話考試固然冇得溫,而係阿玲嘅督促之下,我已經將課文內容全部記得滾瓜爛熟。

當然除咗中文之外,其他科都唔可以衰,所以我哋都有一齊溫一啲唔係好熟嘅課題。

五月份轉眼間就過咗,去到6月1號,就係大考嘅開始。

第一日考嘅就係我最重要嗰科中文,閱讀卷我全部記得好熟, 70分以上一定走唔甩。

寫作卷出咗條好適合我嘅題目:《我最欣賞的同學》。我望住題目微笑,大家都知我點樣寫啦。

去到聆聽卷,只可以聽天由命,不過咁啱今次係講一個我好有興趣嘅內容:世界盃。睇嚟今次連個天都肯幫我。





最後係說話卷,係小組討論,我好好彩咁有得同我嗰兩個死黨一組,互相有默契,應該今次都唔會差得去邊。

之後我嘅壓力已經消退左,其他科都係照平常心咁考,發揮都唔錯。

去到派卷嗰一刻,我嘅心臟就好似計時炸彈咁卜卜卜卜咁跳,聲音大到自己聽得一清二楚。

我知道,今次中文科絕對唔可以衰,衰咗就真係冇得回頭。

首先派嘅係閱讀卷,考得都唔錯,74分,有全班第二名,僅次於阿嘅78分。

作文卷都幾好,攞到73分,仲攞埋去做其中一份佳作俾全班睇。

但係篇作文寫嘅係阿,咁樣全班人就即刻起哄,竟然有一個男仔考試作文寫佢女神上去,諗返起真係好白痴,我哋兩個塊面紅到唔可以再紅。





雖然兩份卷都考得唔錯,但係我知呢個分唔夠,所以我期望喺聆聽卷取得一個決定性嘅分數。

但係起攞卷嗰一刻,望見80分,已經心知不妙。

返去攞計數機計一計佢,仆街了…

中文科嘅計分方法係咁嘅:閱讀卷佔50%,作文卷佔30%,聆聽同說話分別佔10%。如果我而家當說話零分,咁我中文嘅總分就有66.9分。說話嘅滿分係10分,咁即係話我說話至少要有8.1分,中文總分先至會有75分或以上。但係說話嘅分數一定要係整數,即係話我說話要攞9分先得。

我成個人泄咗氣咁趴係枱上面,說話基本上冇人可以攞9分,除非…

…除非奇蹟發生,唔係我下年就會入B班。

屌,如果我求其一份卷攞多一分,說話攞8分就夠分,真係好後悔…

我仲未接受到我同阿要分開嘅事實。

冇啦,今次真係真係玩撚完啦。

Miss Cheung:「而家我會派中文科嘅分紙,大家可以睇埋自己嘅說話分數同埋總分,記住睇埋啱啱派咗嗰幾份卷嘅分數係唔係相同。」

叫到我嘅名嘅時候,我懷着惶恐不安嘅心情出咗去攞分紙。

「今次考得好啊,見到你有進步,下年俾心機繼續努力。」

我對Miss Cheung苦笑。我夠知我考得好啦,但係而家冇75分,都死啦。

我返埋我個位,唔敢望張分紙。

緊張咁問我:「有冇75分?」

我垂低頭唔敢正視佢,遞咗張分紙俾佢。「你自己睇啦…我冇眼睇…」

過咗幾秒,突然聽到一下好大嘅歡呼聲:「YEAH!!!」

我抬起頭,第一次見到阿咁興奮。

「你邊隻眼望見冇75分啊,你自己睇下!」

我大吃一驚,冇可能,我邊會說話有9分啊。

我攞咗張分紙嚟睇:

說話: 9 |總分:75.9

我腦袋一片空白,唔敢相信自己真係得咗,可能係我睇錯,再望多一次:

說話: 9 |總分:75.9

WHAT THE FUCK! 我說話竟然有9分,真係得咗,奇蹟呀!!!!!

我呢一刻先諗翻起,說話係老師自己評分,睇嚟今次係Miss Cheung幫咗我一把。

我望向Miss Cheung,佢對露出慈祥嘅微笑,我向佢投以感激嘅眼神。

我忍唔住啦,好激動咁攬住左阿。「我得咗啦!」

良久之後,我意識到尷尬嘅氣氛,我放開佢,面紅耳赤咁講:「對唔住,但係真係太開心啦…」

「唔緊要啦…我都好為你開心。下年我哋可以繼續同一班,你可以遵守你嘅諾言啦。」

今次我終於達成咗一個好重要嘅目標。

雖然我點都係超越唔到阿琪學神級嘅80.4分,但係總算超越左自己,攞到超過75分,成功入到A班,踏入中學生涯一個新嘅里程碑。

過多幾日派成績表嘅時候,我、阿、阿正同阿恆都如無意外咁入咗A班。

唔好彩嘅係,阿善唔夠分,入咗B班,冇得同阿正同一班。

由於我今次考得比較好,我成功考到全級第八名,有得上台攞獎,仲有$800獎學金添。

當然阿琪拋離第二名平均分有成10分,順理成章咁又攞第一,屈機。

嗰日放學之後就係暑假嘅開始,雖然我唔係好似平時返學咁日日都見到阿,不過得閒都會約佢出嚟去下街。

我嘅暑假同以前都冇乜分別,得閒落街場踢下波,返屋企打下機。

唯一唔同嘅係,我多咗一個新嘅人生路向。








 
已有 0 人追稿