今日社員大會嘅時候,我哋上年1B班嘅同學又共聚一堂。

阿琪上咗去選社幹事,我當然投票支持佢啦。

忽然我見到前一排有個似乎好熟悉嘅女仔,但係…上年好似唔係同佢同一班。

佢縶住一對孖辮,帶住眼鏡,真係好熟悉…

佢坐坐下擰轉頭嘅時候,我望見佢個樣。





原來係佢…

我哋兩個望見對方之後好尷尬,即刻迴避眼神。

原來…佢應該係插班入嚟嘅。

那些年小學嘅回憶即刻湧晒上我心頭…

***





兩年前嘅聖誕聯歡會。

又係到派聖誕卡嘅時候。

作為班草,我都收到唔少聖誕卡。

當然我係即場拆聖誕卡啦,全部人都係咁做。

前嗰幾封全部都係好求其咁寫咗個Merry Christmas,到最後一封…





我一打開信封,入邊啲內容令我驚訝不已:

「王子軒:

      Merry Christmas !

      你好靚仔,讀書又勁。

      次次見你踢波嘅時候都覺得你好型。

      我鍾意你!」

嘩,我竟然俾人寫情書表白! ! !

What the fuck!!!!!!!





我唔小心好驚訝咁嗌咗出嚟。

我班豬朋狗友即刻衝埋嚟睇發生咩事。

「嘩,軒哥俾人寫情書表白!」

「但係係邊個寫呢?都冇名。」

「唔知啊,我收到咁多張,邊鬼記得呢張係邊個比姐。」

「喂,如果係靚女,你會唔會接受佢啊?」

「未必係靚女,可能有條變態基佬寫嘅呢。」





「屌,如果係靚女就好啦。」

講真,我哋6A班冇乜靚女,個個都唔啱我心水,我仲未有心上人。

但係睇筆跡,應該都係女寫嘅,唔似係一個死基佬。

條友都幾低能,表白就開名啦,而家就算我想接受都唔得啦。

我哋幾個一齊去問啲女仔到底係邊個寫,查下筆跡。

但係最後都冇下文。

最後我哋放棄咗,嗱,你寫完情書之後都冇任何表示,我就唔理㗎啦。

之後班房有個唱歌嘅環節,好多同學都喺黑板面前大展歌喉,包括我在內。





我唱完之後,輪到一個女同學。

佢叫陳紫薇,我哋都叫佢紫紫,佢係我哋班嘅班花。我同佢五年同班,算係一個比較熟嘅朋友。

諗返起,佢好似今日冇寫聖誕卡比我。

紫紫微笑咁講:「我今日唱嘅歌係周杰倫嘅《告白氣球》,係想送俾一個我鍾意咗好耐嘅男仔。」

全班即刻起哄。「Wowwwwwwww!」

唔通嗰張同我表白嘅聖誕卡係…?

紫紫開始用佢甜美嘅聲音唱:





塞納河畔 左岸的咖啡

我手一杯 品嚐你的美

留下唇印的嘴

花店玫瑰 名字寫錯誰

告白氣球 風吹到對街

微笑在天上飛

你說你有點難追 想讓我知難而退

禮物不需挑最貴 只要香榭的落葉

營造浪漫的約會 不害怕搞砸一切

擁有你就擁有 全世界

親愛的 愛上你 從那天起

甜蜜的很輕易

親愛的 別任性 你的眼睛

在說我願意

塞納河畔 左岸的咖啡

我手一杯 品嚐你的美

留下唇印的嘴

花店玫瑰 名字寫錯誰

告白氣球 風吹到對街

微笑在天上飛

你說你有點難追 想讓我知難而退

禮物不需挑最貴 只要香榭的落葉

營造浪漫的約會 不害怕搞砸一切

擁有你就擁有 全世界

親愛的 愛上你 從那天起

甜蜜的很輕易

親愛的 別任性 你的眼睛

在說我願意

親愛的 愛上你 戀愛日記

飄香水的回憶

一整瓶 的夢境 全都有你

攪拌在一起

親愛的別任性 你的眼睛

在說我願意  


唔通…真係…

呢個時候紫紫攞住支咪大嗌:「王子軒,我鍾意你!可唔可以做我男朋友?」

全班再次起哄。「Wwwooooooooooooooo!」

班朋友拍下我膊頭。「軒哥,你今次有福啦,班花你都搞得掂。」

喺呢個氛圍下,我極之尷尬。

紫紫的確係幾靚女,我都同佢好熟,只不過…

我冇諗過同佢發展任何關係,我對佢應該只係朋友情,雖然有啲好感,但係都未算係鍾意我。

我更加估唔到佢會喺全班面前同我表白。

呢個時候有兩把聲音喺我腦袋響起…

天使:「唔好接受,你唔係真正鍾意佢,唔好辜負咗人哋好女仔。」

魔鬼:「接受,你對佢有啲好感已經夠,拍拖都係為咗搵快感,何不嘗試?」

我好混亂,我應唔應該接受佢呢?

佢咁同我表白,的確令我有啲感動…

我都唔想喺全班面前落佢面…

最後我決定唔理天使嘅聲音,行咗出座位。

紫紫一面期待咁問:「咁…你嘅答覆係?」

我冇答佢,直接攬住咗佢,用行動表達我嘅答案。

全班第三次起哄。「好閃arrrrrrrrrrrrrrr!!!」

喺6A同學嘅見證下,我拖住紫紫隻手舉高,全班第一對情侶誕生咗。

呢一日係12月21號。

我永遠唔會忘記呢一日。

唔係因為我得到幸福,而係我之後先發現,我做咗可能係我人生中最錯嘅決定。

我哋嗰時仲未夠12歲,出去拍拖都係做一啲淨係僅僅超越朋友關係嘅嘢,例如拖下手,但係未kiss過。

應該係我心中仲有一個死結,就係我唔係真正鍾意佢。

過咗幾個月,唔知點解,我開始對呢段關係產生厭倦。

少咗同佢出街,少咗打電話俾佢,放學搵朋友多過搵佢。

去到升中放榜嗰日,紫紫可能成績有啲失手,入咗間冇咁好嘅學校。

唔可以一齊讀同一間中學,我竟然冇乜失落嘅感受。

我覺得,係時候唔好再拖住佢,要做個了斷。

紫紫喊住咁同我講:「我哋…係唔係要分開?」

「哦,分開囉。」

佢好傷心咁講:「點解…你而家咁冷淡?」

我吞吞吐吐咁講:「其實…errr…我想…」

「你係咪想講不如我哋分手?」

我冇回答。

「好,但係我想問最後一個問題,你究竟有冇真正咁鍾意過我?」

我唔想呃佢,但係又唔想坦白。「對唔住…」

「得…我明嘅…我哋唔好再見啦…」佢爆喊咁跑左出班房。

我趴係張枱度呆咗一陣,流下咗一滴眼淚。

呢一隻眼淚唔係為我自己流。

我好後悔,辜負咗一個咁好嘅女仔。

我真係好想打爆自己。

點解當初明知自己唔係真正鍾意人哋,仲要夾硬接受?

我真係好渣,比屎坑入邊嘅糞便更加渣。

紫紫嘅朋友好嬲,走過嚟鬧我係渣男。

我坐喺度任由佢哋辱罵,我真係好對唔住紫紫。

返到去諗住打電話同佢道歉,點知佢已經block咗我。

自從嗰日之後,我已經冇再見到佢。

直至今日。

***

事到如今,我呢一刻仲係好後悔,當初辜負咗紫紫。

同佢拍拖嗰時的確幾開心,但係最後換來嘅係佢流淚收場。

呢件事得我同佢知,因為當初6A得我入嚟呢間中學。

我更加唔想阿琪知道,唔係嘅話,佢一定會覺得我係大渣男。

既然我哋兩個再相遇,我點都要補救一下。

放學嘅時候,我鼓起勇氣,喺學校大門口等紫紫。

佢見到我,行埋嚟。「你係唔係搵我?」

一年多後嘅紫紫,發育咗唔少,當年班花嘅可愛笑容仲留喺度。

我深呼吸一下,同佢講出我想講嘅說話:「對唔住,當年係我辜負咗你,我唔應該明知自己唔係真正鍾意你就去接受你。的確同你一齊嗰段日子,我係好開心,但係我問心嗰句,我對你始終係友情而唔係愛情。對唔住,我唔應該拖住你咁耐,你而家想打我一餐,任你想點都得。」

佢有啲詫異咁講:「其實…你唔需要咁…我已經放低咗…好耐。我原諒你,做返朋友好唔好?」

我驚訝咁問:「但係…我以前咁對你…你唔覺得嬲咩?」

「都過咗咁耐,冇所謂啦。況且你應該都係唔想喺全班面前拒絕我姐,我都有啲責任嘅。」

「唔係,唔係你嘅責任…係我問題。」

「算啦,往事唔好再提,當作係一個回憶算啦。」

返到屋企,我手機收到一個WhatsApp訊息,係一個好熟悉嘅電話號碼。

「hello,我哋做返朋友啦。」

碌返上面啲對話記錄,係我以前小學嘅回憶,已經有一年幾冇再睇過,驚自己內疚。

但係呢一刻,我終於釋懷。

「OK。」我send返呢個訊息出去。

人一生可以做錯好多事,但係如果好幸運,獲得當事人嘅原諒,或許,呢個污點,唔係再咁顯眼。








 
已有 0 人追稿