呢個係一個星期六嘅朝頭早。

我約咗阿恆、阿琪、Patrick同Ada喺樓下巴士站等,出旺角睇電影。

當然除咗睇電影之外另有目的。

今日新出咗新一款嘅FIFA,我同Patrick梗係要即刻去買啦。







今期出嘅FIFA系統功能都好咗好多,我偶像連加特嘅球員卡仲upgrade到95,真係我咁多年打過最好嘅FIFA。

不過我嘅銀包就付出沉重嘅代價,洗咗$499。

買完即刻去睇電影,我哋睇嗰套電影叫《多啦A夢:Stand by me 2》。



入去睇之前我攞定包紙巾,都知會發生咩事。





結局見到大雄同靜香結婚,全場有一半人爆喊。

我攞出一張準備好嘅紙巾,遞俾我側邊哭城淚人嘅阿琪。

Ada係我後面細細聲同我講:「喂,你咁冷血嘅,唔通你啱啱幻想緊電影入邊嗰個係你同阿琪?」

「屌,邊撚係,你夠冇喊啦。」

「我冷血我認㗎,但係你對阿琪咁鍾情…應該唔同掛。」





睇完電影,喺油尖旺一帶行咗一陣,準備返屋企嘅時候,家姐call我。

「喂,今晚約咗人出街,唔會返屋企,你自己顧掂自己啦。」

「屌你,算鳩數。」

既然家姐唔係屋企,一於約佢哋上屋企。

我話:「屋企冇人,有冇人想上我屋企玩?一陣開FIFA打。」

平時少講嘢嘅Patrick聽到會打機即刻好興奮咁話:「軒哥邀我哋上嚟你屋企梗係得啦,一陣幫你砌下隊Ultimate Team。」

其他人都冇乜嘢做,就上咗我屋企打機。

入咗隻新嘅FIFA光碟download之後,我開晒全部送嘅禮包,有1,000,000個金幣可以洗。





Patrick話:「你想點砌你隊波?」

「作為一個忠實獌迷,梗係全隊曼聯啦。」

「屌,唔得㗎,你睇吓你曼聯嘅後防,嗰隻中堅麥佳亞(Maguire)得50速度,根本用唔得。嗱,我教你啦,後防一定要咁砌。」

跟住佢用500,000個金幣買咗呢五個防守球員:


                                                           

如果有打開FIFA嘅巴打都會知,呢個Mendy+Varane+Gomez+Walker+Pope一定係全FIFA最強,個個都超快,屈爆對手機。

我用淨返嗰500000個金幣買埋淨返嘅前場球員,包括曼聯嘅慈善球王華舒福(Rashford)。







打一場先,對手好廢,全隊銀卡。

上半場已經贏到3:0,我問阿琪:「你要唔要嚟玩?」

「我唔係好識玩喎…」

「唔緊要,好簡單姐,呢幾個掣係…」我教佢點玩。

始終理論同實踐有分別,下半場一開始阿琪無啦啦傳咗個波入自己龍門。

「唉,我都係陪你玩啦。」





「點樣傳波啊?」

「拑交叉掣。」

「咦,冇防守球員,咁而家點啊?」

「衝刺啊。」

「射門囉…」

「唔好拑咁大力,會炒飛機呀…」

幾經辛苦,終於用華舒福入返一球。

最後我哋贏咗6:1,我同阿琪擊掌歡呼。





「咦,未見過情侶一齊打機都可以咁sweet喎。」

 我擰轉頭一望,只見Ada攞住部手機,好似影緊我哋相咁。

 Ada掉轉部手機俾我哋睇。「唔知如果將呢一張情侶照擺上IG,有幾多人like呢?」

 阿琪有啲嬲咁講:「唔好呀!你試吓?」

「嘻嘻,我就係擺,你吹呀?」

 阿琪起身追住Ada, Ada即刻逃走,兩個人喺度打打鬧鬧。

 阿恆話:「屌,你淨係俾你條女玩,有冇諗過我哋幾個淨係喺度齋睇啊?」

「人人有份,嗱,一於咁,每人輪流打一場,邊個打輸咗有懲罰。」

不過打之前都要抽一張球員卡。

「嘩屌,係傳奇…巴西…前鋒…唔通係…Woooooooooooh!What the fuck!!!R9啊!」 



我竟然好好彩咁抽中咗R9,巴西傳奇前鋒朗拿度(Ronaldo),呢個係FIFA最強嘅一張卡。 

「嗱,R9都俾埋你哋,輸咗就真係冇抵賴。」 

我先打一場,贏咗7:0。 

阿恆、Patrick、Ada都分別贏咗人哋四五球。 

但係最後阿琪遇到一個好強嘅對手,輸咗1:0。 

「喂,大懲罰喎,由Ada姐決定啦。」阿恆奸笑。 

「嗱,好姊妹唔會玩殘你嘅,你攬一攬阿軒跟住俾我哋影幅相就OK。」 

「又拖我落水,你好嘢。」我不忿咁講。 

我裝作好不情願咁執行咗呢個懲罰,其實邊個唔想攬下自己女神呢? 

攬住阿琪真係好舒服,搞到我開始有啲扯旗。

「喂,你開心啦,有得俾你博下懵。」阿琪個樣好似有啲想忍住笑咁。 

「咩搏懵啊,你自己一樣咁爽,你望下你個樣先啦。」 

「Woooooh~好閃呀,唔好再喺度打情罵俏啦。」阿恆得戚咁話。 

「屌,唔同你地嘥氣講,七點啦,而家落樓下食飯啦一齊。」 

落到樓下嗰間餐廳,坐低咗,忽然見到有個好熟悉嘅人影。 

「咦,嗰個係唔係子晴姐?」阿琪話。 

咦,真係好似係我家姐喎,佢同一個男人食緊飯。 

「咦,佢唔係話約咗人出街咩?點解會有個男人嘅?佢好似冇男朋友喎。」我疑惑咁講。 

諗住去佢問佢究竟, Ada撳住咗我。 

「喂,唔好俾佢見到你,睇吓佢有咩事,嗰個可能係佢男朋友,佢唔同你講即係一定有嘢。」 

呢個時候我見到家姐同個男人挨埋一齊,原地kiss咗。 

What the fuck。 唔通嗰個真係佢男朋友? 

溝到仔都唔同我講,今次仲唔篤爆你。 

阿恆話:「喂,一陣食完飯跟蹤下你家姐,睇吓會發生咩事。」 

望住佢哋兩個食完飯之後,佢同嗰個男人就行咗出去,應該冇見到我哋。 

我哋攝手攝腳咁跟起佢哋後面大概有20米距離。 

一路上見到佢哋兩個拖住手,我家姐好似笑得好開心。 

跟住佢哋行咗去一個商場,商場入邊有一個殘廁,佢哋行咗入去,鎖埋門。 

我有啲擔心咁問:「佢哋…入去廁所做乜嘢?」 

Ada神色凝重咁講:「嗱,有機會係咁…」 

佢合埋雙手,拍咗三下手掌,我明白係咩意思。 

「嘩,公廁扑野,你家姐都幾得喎。」阿恆話。

「有…有冇可能啊?」阿琪驚訝咁問。

「呢啲唔係AV劇情嚟嘅咩?」Patrick問。

呢個時候,入面隱約聽到有人講嘢。

「你哋咪嘈住。」我挨住對廁所門仔細聽。

「…BB你真係要?…」

「…係啊…」

「…不如返你屋企先啦…」

「…唔好啦…我唔想被細佬見到…」

「…好啦…」

「…BB你進來吧…啊~快啲…」

我終於忍唔住。「王子晴!」

入面頓時鴉雀無聲。

過咗十幾秒。

「細…細佬?」家姐戰戰兢兢咁講。

「係,呢度係王子軒。」

過咗一分鐘,家姐一身狼狽咁開門出咗嚟,面紅到不得了。

個男人匿埋喺家姐身後,呢一刻先發現,原來佢係我哋學校學生會會長戴焯煒。

阿煒生得幾高,都算我哋學校嘅男神,不過外表好斯文。

佢好怕羞咁行出嚟,一粒聲都唔夠出。

「咳…errrr…你哋啱啱咩都聽唔到…總之就當咩都聽唔到…千祈唔好講出去…唔係唔係…係冇嘢發生過。」

我拍一拍家姐膊頭。「明嘅。」之後示意打發我班朋友走。

阿煒不知所措咁講:「BB…errrr…咁我走先…星期一見…」

一路行返屋企嘅路上,家姐完全唔敢講嘢。

我打破沉默。「家姐公廁大戰你男朋友,ok喎。」

「你試下講出去嗱…信唔信我閹咗你?」

「無話講出去…要做呢啲嘢,返屋企做唔得咩?」

「返屋企做…咪就俾你知…人哋家教好嚴㗎…係我要佢同我做…佢連時鐘酒店都唔敢去…驚俾屋企人知…」

「驚咩姐,我又唔會同人講,同埋記得叫佢戴condom啊…千祈唔好讀緊書有咗。」

「邊使呀,戴咗做得唔舒服,同埋我今日安全期啊。」

「唉,真係對你無話可說。仲有點解有男朋友唔同我講?幾時一齊㗎?」

「一個月之前咋,你夠冇同我講你同阿琪拍緊拖啦。」

「都未成功。」

「哈,廢J,追咗人哋成年都未得。」

「屌你,再嘈我就將你公廁激戰三百會合寫成故仔擺喺連登。」

「你試下!」

家姐一嘢揸落我嘅春袋度,令到我叫苦連天,兩粒蛋都好似就爆啦。
















 
已有 0 人追稿