唉…

經過啱啱發生嘅事,返到屋企,已經毫無心情。

我真係…

唔知點講自己好。

咁可能搵返最開始嘅原因,都係我唔啱。





算啦,都發生咗,由得佢啦。

我嘗試打開書本、練習溫書。

其實根本都溫唔入腦。

點算好…

聽日仲要考試,仲要見到佢…





我索性唔溫啦,反正都冇用。

俾自己休息吓好過。

8:30就已經瞓喺床上倒頭大睡。

***

第二朝瞓醒。





我滿懷疲態執好背囊行返學。

返到學校,咩都唔理,趴喺枱上…

「考試啦同學!」

突然聽到監考老師大聲呼喝我。

原來我唔為意瞓着咗。

我捽一捽隻眼,只好準備開始考試。

尋日冇點溫到書,今次都冇乜希望啦。

果然中文考嘅內容我完全唔熟悉。





閱讀理解連分段都唔識分。

作文考試又係。

寫下寫下,都唔知自己寫咗啲乜。

考完,注定今鋪已經陣亡。

阿正同阿恆見到我好頹,過嚟問我:「發生咩事?」

我有啲無可奈何咁講:「關你咩事呢毒撚。」

「講啦,我哋係朋友嚟㗎嘛。」佢哋仍然纏着我不放。





「好啦好啦我講啦…」

尋日後續發生嘅事係咁嘅…
已有 0 人追稿