***

嗰日,紫紫突然同我表白。

只不過,我心入邊已經有阿琪。

即是以前曾經做錯過,對唔住紫紫。

而家都唔可以繼續錯落去,傷害第二個女仔。





於是我就拒絕咗佢。

但係佢好傷心咁攬住我。

唔肯放我走。

正當我腦袋一片空白之際…

「砰!」





後面傳嚟一個響聲。

我擰轉頭一望。

阿琪?!

點解佢會喺度嘅?

佢面上展現出驚訝而且失望嘅表情。





唔通…佢以為我…

喺我有反應之前,佢已經急急腳擰轉頭跑走。

我回過神來。

唔得!一定要向佢澄清番!

佢停咗喺火車站嘅出口。

出面依然滂沱大雨。

我大叫:「阿琪!」

佢擰轉頭望住我。





面上流着眼淚。

充滿着怨恨嘅表情。

我慌忙講:「唔係唔係…絕對唔係你咁諗…」

佢一面冷漠嘅表情話:「唔好再解釋,我見到晒。」

「唔係…唔係你諗得咁簡單…」

「阿軒,我真係睇錯咗你。」

佢停咗一停。





「我以為你係好人,原來你同Michael冇分別。」

我當刻呆咗。

佢冷漠無情咁推開咗我。

然後自己離開咗。

諗住遲啲電話同佢解釋。

點知佢已經封鎖咗我。

點算…

***





阿正聽完我講之後,話:「咁大鑊?」

阿恆話:「佢真係有啲誤會咗你…但係冇得怪佢,咁樣睇都是似做咗衰嘢。」

我垂頭喪氣咁問:「咁點算呀?」

阿正話:「我哋兩個返去WhatsApp同佢講下,睇吓點先囉。」

唉……
已有 0 人追稿