［校園］［愛情］是咁的，我女神次次都考第一。: 五十七，解釋

返到去，我好頹喪咁攤喺梳發。

早知如此，何必當初呢…

當初我應該同紫紫保持一定距離。

畢竟佢已經係我嘅前度。

我冇咁做，只會對佢釋出錯誤嘅訊息。





事都如此，我都好後悔。

只能夠去盡力挽救。

希望阿琪會相信我。

「嗶…」

手機鈴聲響起。





係阿琪。

我頓時有啲心跳加速。

一陣點樣講好…

我接通咗電話。

「喂…？」





「阿軒…你啱啱兩個朋友同我講…」

佢語氣有啲無奈。

「咁…真係咁？」

「唔通呢…」

「唔好呃我。」

「我真係冇呃你。」

阿琪嘆咗一口氣。

「咁點解你唔即刻推開佢？」





我呆咗一呆。

「errr…」

「你係咪好享受咁樣？」佢質問我。

我慌忙解釋：「唔係！我嗰時嚇咗一跳，反應唔切。」

「其實你係唔係瞞住我，喺出邊收兵？」

「梗係冇啦！我絕對唔係咁嘅人。」

「咁點解你唔同我講你前度嘅嘢？」





佢嘅聲音開始有啲顫抖。

「其實…我好驚你會因為咁，覺得我係一個壞咗嘅人。」

我聽到阿琪開始喊。

我慌忙咁講：「唔好咁啦…係我衰。」

佢喊住咁講：「你知唔知我好驚…我唔想我又鍾意咗一個渣男。」

我不知所措咁講：「我唔會…我唔會係咁嘅人。」

而家嘅情況…

我亂到不斷不自覺咁咬手指。





阿琪話：「好…我信你。」

呢個時候，屋企門鐘響起。

「等我一陣。」

「家姐，開門，講緊電話唔得閒。」

家姐懶洋洋咁企起身，走過去開門。

「咦？」

係阿琪？！





***

作者：對唔住，終於上返嚟寫故，停課嘅時候盡量寫多啲。