我大吃一驚。

阿琪竟然企喺我屋企門口。

家姐裝作咩都唔知咁樣開門。

「阿軒…」

阿琪衝過嚟攬住我。





「對唔住…我誤會咗你。」

佢仲不斷咁抽泣。

我摸摸佢個頭。

「傻豬,唔好喊啦…」

「點解我咁蠢㗎…當咗你係衰人…」阿琪話。





「你而家知道我係好人就得啦。其實一切都係好完美嘅誤會,過去咗就算啦。」

等佢冷靜落嚟之後,阿琪同我講。

「阿軒,其實…」

我滿面疑惑咁問:「係?」

佢吞吞吐吐咁講:「其實呢…我有啲嘢…好似呃咗你。」





一直喺旁邊食花生嘅家姐,不為其然咁望咗我哋一眼。

「吓?」

我完全摸不着頭腦。

「其實係咁嘅…」

***

(阿琪視覺)

當日,我本身約咗阿軒一齊去溫書。

點知…





「阿女呀,你大姨婆前幾日喺英國飛咗返嚟香港,今日中午約咗佢一齊食飯啊。」

阿媽煮早餐嘅時候同我講。

我嘟起個嘴話:「吓…但係我今日約咗同學喎。」

「下次再約過你啲同學啦,你大姨婆過幾日就飛番返去啦,可能幾年後先有得再見佢。」

「好囉…」

我有啲失落咁講。

冇辦法啦,有親戚嚟。





我只好打電話同阿軒講返。

去到中午,我同阿媽阿爸約咗大姨婆,去咗火車站樓上商場嘅一間餐廳食飯。

食緊飯嘅時候,我望見窗邊…

阿軒?

係唔係我望錯?

我擦一擦我副眼鏡。

咦,真係佢喎。

仲要同另外一個女仔一齊行緊???





嗰個女仔好似係隔離班嘅一個家政學會成員喎。

吓…唔通…

佢瞞住我,偷偷約其他女仔去街?

唔得呀,要出去睇下。

我企起身準備呀行出餐廳。

「阿女,咩事呀?」阿爸問。

我隨便咁講咗個大話。「有啲唔舒服,去一去廁所先。」





呢個時候,我嘅心猛烈跳過不停。
已有 0 人追稿