一行出餐廳,就見到佢哋兩個。

嗯…

佢哋係朋友掛…

至少冇拖住手。

但係基於我女人嘅第六感,事情一定唔簡單。





雖然我有啲驚面對一個有可能而殘酷嘅真相。

但係…我相信阿軒。

不過我要證實,佢只係約朋友出街。

佢哋兩個行落商場嘅電梯。

我急急腳喺後面跟住。





突然…

阿軒忽然擰轉頭一下。

我急忙耷低頭。

好彩前面有個高人遮住咗佢嘅視線。

好彩冇俾佢見到。





佢哋行到去火車站。

我就企喺電梯嘅隔離。

一邊扮睇緊手機。

一邊偷偷監視佢哋兩個。

個女仔同佢講咗唔知乜嘢。

跟住就急急腳行去閘口。

阿軒嘅神情顯得好慌張。

我嘅心跳再次加速。





唔係嘛…

唔通真係…

阿軒仲衝前叫停個女仔。

我不禁徬徨無措咁退後幾步。

去到外面滂沱大雨嘅出口位。

個女仔…突然仲攬住阿軒。

阿軒…





唔該你推開佢。

話俾我聽唔係真。

推開佢…

點解你仲要攬住佢…

點解呀!!!

我隻手一鬆。

手機「砰!」一下跌咗落地。

螢幕上雪花似嘅裂痕。





遮蓋咗手機封面,我同阿軒嘅合照。

阿軒擰轉頭。

我雙眼怨恨咁望住佢。

點解你要咁做…

唔係講好咗…

你會做我男朋友咩?

點解你要搵第二個女仔…





點解呀?

我開始搞唔明。

我嘅眼光有咁差咩?

點解會睇上一個會傷害我嘅男人?

我唔敢再面對…

我擰轉頭準備走。

「阿琪!」

佢突然喺後面大嗌。

我擰返轉頭。

佢跑咗過嚟。

「唔係咁…」

對唔住,我已經唔想聽。

我咩都見到晒。

我推開佢。

走入無窮無盡嘅暴風雨中。

面上嘅已經分唔清楚係淚水定係雨水。

***

之後嗰一日,我返到學校考試。

只見阿軒頹喪咁瞓喺張枱上面。

唔好再望佢啦…

我都係專心考試啦…

考完試返到屋企。

突然見到阿正打電話過嚟。

唔通…

我攞起電話。

阿正講:「阿琪…有啲嘢需要同你解釋。」

我問:「係關於阿軒?」

「係。」
已有 0 人追稿