［校園］［愛情］是咁的，我女神次次都考第一。: 六十一，和好如初

阿正應該唔會夾埋阿軒一齊呃我嘅…

不過要測試佢係唔係真係講真話。

我決定搵埋佢家姐。

「子晴姐姐，可唔可以幫我做啲嘢？」我打電話搵佢。

「你講啦。」





「一陣呢，可唔可以幫我睇下阿軒有冇講大話？我一陣會打電話俾佢。」

「吓，佢又做錯咗咩事？」

「事情有啲複雜，遲啲同你解釋，幫下手先啦。」

「好啦，包在我身上。」

我行到阿屋企門口。





打電話俾佢。

聽得出…

佢語氣好焦急同緊張。

呢個時候佢家姐Send咗個message俾我：

「個傻仔應該冇講大話，佢個表情好搞笑。」





果然係一場誤會…

對唔住阿軒…我怪錯咗你…

撳門鐘，見到佢嘅時候。

我嘅淚水已經奪框而出。

***

(阿軒視覺)

「所以…」

阿琪尷尬咁講：「…成件事就係咁。」





我聽到呢度，不禁開懷大笑。

「原來如此，你真係好傻呀。」

阿琪嘟起嘴講：「咁…我以為我鍾意咗一個衰人嘛…」

家姐呢個時候插嘴講：「你哋兩個啊，真係，有冇搞錯，明明已經有拍拖嘅行為，仲未承認關係。」

我不滿咁話家姐：「你仲好意思講，喺度玩你細佬。」

家姐大笑：「哈哈，我只不過係將你嘅嘢報寸俾阿琪聽。」

我話：「講咗啲咩啫？」





家姐話：「你知唔知呢，你平時好多小動作，我都有睇在眼中。」

我話：「你又知？」

家姐笑住咁講：「梗係知啦。你平時講大話，就會唔自覺咁喺度搔頭。如果你緊張，就會喺度咬手指，你自己唔知嘅咩？」

阿琪話：「咦，平時見你有時都會無啦啦喺度咬手指，你成日好緊張咩？」

家姐嘲笑我咁講：「肯定係個傻仔見到你好緊張。」

我不禁漲紅咗面。

話說已經到咗1:30。

聽日就要考數學啦。





阿琪反正嚟到我屋企，就搵佢教下我唔識嘅數學題。

希望我今次可以考得好啲。

升到去同一班。

然後名正言順咁同阿琪一齊。