［校園］［愛情］是咁的，我女神次次都考第一。: 六十七，終於一齊咗

「嘩！！！」

「好閃呀！！！」

突如其來嘅閃光彈，令到我哋班嘅同學措手不及。

我放低阿琪，彼此腼腆咁相視而笑。

我擰轉身，笑咪咪咁望住呆若木雞嘅大軍。





「呢，見到未？」

大軍隱約咁擠出聲音：「你…好嘢…」

「識趣嘅，就快啲彈開，唔好再騷擾我女朋友啦。」

大軍突然冷不提防一腳伸過嚟…

而家輪到我嚇到冇反應。





突然有人拉我退後幾步。

啱啱冇俾大軍踢中。

原來係阿琪喺後面拉住我。

佢氣憤咁同大軍講：「唔好蝦我男朋友！」

阿正同理阿恆衝咗出嚟。





推咗大軍出班房門口。

咁而家…

我望一望我手上嘅嗰束花。

原來我仲未正式表白！

差啲唔記得咗添。

「阿琪。」

佢擰轉頭。

我跪低。





深吸一口氣。

遞上紮花話：

「我要嚟一次正式嘅表白。」

阿琪開心到眼泛淚光。

「林凱琪，你願意成為我女朋友嗎？」

「我…願意。」

佢開心得即刻攬住我。





經過兩年。

咁耐以來有數之不盡嘅回憶。

今日我哋終於一齊。

我都感動得眼濕濕。

最後大家攬住一齊喊。