簡介:一個毐L,一個女神,有可能在一起嗎?


作者悄悄話
這是小弟唯一的短篇,出過係紙言短篇
五年前仲細文筆唔好特就算啦哈哈
我係有少少心底話想講姐
想當年好多人睇完都屌鳩小弟呢個故事好假又唔合邏輯
成件事係現實世界嘅話根本就冇可能
我自己睇番都係咁覺得


但我咁樣寫都唔係無我自己嘅道理
我只係唔想將現實已經有嘅唔如意再放落故事度呈現出嚟
可能大家會話我係一個樂觀主義者
但我知道大家都有講唔出嘅苦係心底裡
當然包含我自己
我會諗如果連創作都係咁悲觀嘅話
咁又同現實有咩分別?
其實創作就好似避風港咁
所以我好感恩呢個世界存在著創作呢件事
總係會將我係失落入面拉返我出嚟


最後不論你覺得好睇又好唔好睇都好
最重要都係要係現實之中搵番自己
唔好覺得所有嘢都係冇可能
正如大家覺得毒撚池冇可能溝到女神咁
但其實冇乜嘢係會冇可能
如果連自己都認定係冇可能嘅話
咁就真係會步入死局


我叫李天池,今年F4。由細到大都係一個天才毐撚,打機勁,唔靚仔同時唔樣衰……




花名:毐撚池


今年九月,本來對生活沒有一絲期待的我,被她感化了……


九月一日


「大家坐低先!今年有個女轉校生會入我地班。」


我心諗:一定又係豬扒la屌……




隨後開門入來ge……


係女神。


大家歡呼……


「大家好,我叫陳雪盈,多多指教!」


成個班入面衹有我一個保持冷靜,因為我對追女失去左希望。




我feel到果位女神望住我……


「老師,唔知可唔可以坐係果位同學隔離?」佢指住我……


「可以。」老師傻眼……


我大概估到老師諗緊乜,應該係:點解會揀毒L


我毐ge程度連校長都好清楚,我好多online game都稱霸第一,上次有個鍾意玩game ge     阿sir on99咁搵我挑機,佢輸到甩褲,從此唔敢搵我打……




我亦要強調,我係無課金玩家!


女神行到埋黎,一班狗公gup住我,殺氣好大……


我好耐未試過比咁多人gup住,因為我更本就係黑子老翻……冇存在感……


「你好,你知我叫咩名ga la,咁我阿盈就得la,你呢?」


「李天池,叫我毐撚池la。」




「唔得,叫阿池la!」佢好似好唔鍾意粗口……


「是但你la……」


「今後多多指教!」


「哦……」


我對佢冇乜興趣,我亦唔得閒理佢,我仲要諗吓今晚玩overwatch要點贏。


不過毐歸毐,我打機前都會溫書,上堂認真度高,以前份份成績表衹有A,永遠冇B,但有一個C,人際關係與溝通能力……


我一生人衹求平安,打機,有工做,唔係想追女。


不過,阿盈改變左我ge心態……


由佢每日ge所作所爲睇到,佢係真正關心身邊ge所有人。


一個月之後,我開始對世界ge睇法改變,我開始識多d朋友,去多d街,對追女有初步ge念頭。


全部都因阿盈而起……


雖然我個毐撚look仲未洗脫,但眾人已經開始肯接納我。


原來……有朋友係一件開心ge事,我第一次感受到,多謝阿盈……


之後我開始打少左機,越黎越多朋友,出超多次街,同時保持成績。


我人生入面……第一次ge開心。


不過最近我覺得自己有d唔妥……


我唔知點解每次見到阿盈ge時候……我心跳會加速,又唔係好敢望佢……


呢個……就係所謂ge愛情……?


爲左確定自己ge心意,我做左d實驗。


多次實驗後,我發覺我真係鍾意左佢……


呢個時候,今日係一月二十日,而我正正有機會……


Ball……


我地學校二月二日搞ball,可能係一個珍貴刷好感ge機會。


於是今日放學我就返屋企沉思。


我家姐見到我on99咁坐係到,於是過黎問……


「男人最多煩兩樣ga姐,一係錢,一係女,你煩邊樣?」


「女啊家姐,我想約佢去ball,但唔知點做!」


「你條低b,咁都要諗,女一定要去追la,係男人ge就咪撚驚la,見到佢就約!」


「等我出去散步消化下先……」


我去左附近ge沙灘。


我企左係舊大石上面四十五分鐘,感受住週邊向我吹過黎ge海風。


每當我有煩惱既時候,我就會去海邊吹風,好寧靜咁諗野。


可能你覺得:食西北風,on9架!


呢個我style,改唔到。


「二月二號,比我同你跳舞,好冇?」


唔掂,搞到我好痴情……


「嗱,我買左飛,舞伴又放我飛機,我請你去,你執到la?」


太寸,佢會唔鍾意……


「二月二ball約定你!」


太求其……


唉……我又唔識跳舞,又唔係好靚仔,仲要有毐撚黑歷史,憑咩約佢去ball……


相反,阿盈唱歌又好聽,跳舞又勁,畫畫又叻,成身上下散發住女神氣質,我應該都係配唔上佢ga la……


其實搞咁多,都衹係想同佢講一句「我鐘意你」姐……


究竟,我應該要點做……


我唔想比人飛,但想追到佢……


我再諗起家姐講ge野……


你條低b,咁都要諗,女一定要去追la,係男人ge就咪撚驚la,見到佢就約!


正所謂船到橋頭自然直,見步行步la,今次頂硬上la。


我化身保特鳩衝返屋企。


「家姐!」我大叫。


「乜?」


「我決定左二月二追女,教我跳舞la!」


「既然細佬要溝女,就可憐下你la!」


「多謝!」


一月二十一日……


「早晨阿池。」阿盈照樣同平時一樣打招呼。


「早晨阿盈……係la,最近學校咪搞ball ge,我有兩張飛,唔知你可唔可以做我舞伴?」


「嗯……好la。」


第一步成功。


第二步:練跳舞!


「屌你唔好再廢d,又踩腳,痛ga。」


你冇聽錯,我上緊一堂係咁比人屌ge跳舞堂。


「屌你又踩!」


我練基本野練左足足兩日……


手腳協調度較低,成個課程我用左九日,人地用六日,我真係廢,不過都堅持到。


之後我一直都繼續練……


終於到2月2日……


今日唔使返學,六點ball正式開始。


我約左佢五點學校門口等。


四點在家中。


「你唔好撚郁,set埋頭就ok。」


「唔該家姐,我以前對你不理不睬,你都對我咁好,我有d內疚……」


「唔使……第一,我係你家姐a ma,唔嬲……第二,既然有女仔改變到你呢條毐撚,果個一定係一個好女仔。家姐撐你!」


「多謝……」我開始流眼淚,好感動……


「男人老狗咪撚哭la,唔靚仔la。」


「知道……」


set完頭,收拾好心情後。


Game Start


人生第一次的告白,準備好了……


我四點五十分就到左,我ge宗旨係早到好過遲到。


等左十五分鐘,睇黎冇白等……


「好……靚……」我不經意地感嘆……


一條紅色ge連身裙,一個精美ge髮型,一個自然ge妝……


一個字:perfect


「阿池,唔知係唔係我錯覺呢,你今日靚仔過平時好多……」


「多謝……你都好靚女……」


「入去未?」


「入去la。」


我地二人一起入去,好多人感嘆……


「喂,毐撚池點執到個look咁靚仔。」


哼,收皮la你,我家姐咁撚勁,唔靚仔d點對得住佢。


「拖住我女神……」

「竟然黎ball。」


睇黎低form ge人仲唔知我已經改變左……


冇見識……


「阿盈,請坐。」我請佢坐,唔使佢企。


「唔該……」


我地一直傾計,終於……


「今年度ge ball正式開始!」MC大叫……


成個場ge人都好歡樂,包括我同阿盈。


「May I?」我伸手。


「Sure。」


我地一齊共舞,跳得好順暢。


「你跳舞都幾勁wor……」佢好驚訝……


「家姐教我ge……」


「你有家姐ga?」


「係ah。」


之後我地有個真心話遊戲,被最多人投票ge人要上台講自己最想講ge野出來。


「投票結果!第一名係陳雪盈……ge舞伴李天池!」


大家拍手。


呢個時候,我諗緊表唔表白,我一表白就會成校都知。


我上台後說「大家好,我係李天池,以前係一個死毐男,相信大家都好清楚,但……」


之後靜曬,我講唔出野……


我一直回想同阿盈ge回憶,唔知點好……


突然……


你條低b,咁都要諗,女一定要去追la,係男人ge就咪撚驚la,見到佢就約!


心入面又彈左呢句出黎。


家姐,多謝你……


我知道自己已經冇野好勁,世界上有唔會被飛ge男人咩?


不如我自己試下好過。


「但陳雪盈改變左我,令我對世界ge認知,對朋友ge睇法,對生活ge態度,一一改變,我真係好多謝佢。」


大家再次拍手。


「雖然,我唔知你係點睇我……」我呼吸後……


「但係,陳雪盈!我愛你!」


「接受佢la。」大家都支持我……


阿盈慢慢行上黎,攬住我……


「我都鍾意你,由我第一日識你ge時候,就知你係好人,其實我鍾意你好耐,衹係唔敢講……」


「傻ge,我講左就得la。」


「嘴佢!嘴佢!」


佢嘴左落我到……


「我first kiss比左你,以後要對我好d啊!」


「梗係la。」


呢個……就係我曾經對佢冇興趣……ge初戀感覺?呢種感覺……好神奇……


表白之後,我地繼續其他ge環節。


講真,呢日可能係我成世過得最有意義ge其中一日,因為我做左一件別具意義ge事,並因此開始初戀……而唔係稱霸online世界。


我終於從毐撚入面畢左業……


我第一次完完全全走出毐撚世界。


Ball係一個鐘之後完左。


爲左盡男朋友ge責任,送佢返屋企。


途中,我地傾左好多野,大家ge往事,心底話,通通都有。


「其實我唔鍾意引人注目,我衹係想平常d……」


「辛苦你la……」


「不過唯獨你,唔會成日gup住我,又對我好,慢慢就鍾意左你……」


「係咩……?」


「梗係!」


「多謝,不過其實你都影響左我好多,係你,令我走出毐L世界,如果冇你……我應該仲打緊機……」


「自從我識左你,我成個人開心曬,而開始憧憬戀愛,不知不覺咁愛上你……多謝你。」


唔經唔覺,已經到左佢屋企……


「拜拜,星期一見。」


「拜拜。」


我再返自己屋企,即刻同家姐分享威水事蹟。


「我早知你得la,果然係我細佬。」


「點早知咁勁啊……」


「睇ig。」


我同阿盈kiss被偷拍……


擺左係家姐個ig到……


「家姐,你點得到ga...」


「我大把線人la,你老豆老母都知wor……」


「下……shit……」


「阿仔,你終於溝到女la,我地爲你驕傲……」


「咪玩la。」


就係咁,吵左成睌……


星期一……


「早晨阿池。」熟悉的聲音……


「早晨阿盈。」


我地ge故事,將會繼續落去。


我相信我可以照顧佢。


呢個,就係我,毐撚池ge初戀……