一隻驢仔的故事: 《第二章》
好多年之後，有一日我喺度做緊嘢嘅時候，突然之間有兩個人同我主人講話想請我載佢哋所謂嘅師傅入城，我聽完之後就答應咗呢個請求，之後嗰兩個人就帶我去見佢哋嘅「師傅」，我第一眼見到呢「師傅」係一個大約30幾歲嘅鬍鬚佬，我就當然例牌介紹我自己先啦：「Hi，我個名叫做阿明啊。」 嗰位「師傅」就同我講：「阿明你好，我叫做耶穌呀，好高興認識你呀！今日真係辛苦你啦，要你騎着我入去耶路撒冷城。」
「冇所謂啦，只要服務到你我就開心啦！」
之後我就載着佢入去耶路撒冷城，沿途之中我見到好多群眾喺度歡迎佢，好似係到歡迎緊一個皇帝入城一樣，當時個場面真係非常之墟冚。 行咗冇幾耐之後，我哋成村人就停低，因為耶穌佢已經到達佢嘅目的地，最後佢吩咐佢啲門徒請我食咗少少嘢之後，就帶咗我返我自己屋企。
其實我點都估唔到，呢一位「耶穌」就係我好多年前曾經載過Mary同Joseph嘅仔，亦即係嗰位BB仔。