一隻驢仔的故事: 《第三章 - 大結局》

幾個月之前，我開始發現我自己嘅身體出現咗一啲毛病，包括唔可以長時間行路，直到前幾日，我做做下野嘅時候，突然之間暈低咗，之後我一醒返嘅時候，主人就同我講話我因為多年來嘅工作而積勞成疾，再加上我已經年老了，係時候要退下。 

之後我就抖左幾日，但係我身體仲未有好轉，反而我嘅情況急轉直下，我已經起唔到身，當時我就同自己講：「我係咪就嚟死啦？」之後突然之間個人好攰，想瞓一陣間… 

我一起身嘅時候，我眼前見到一個人，呢個人就係多年前騎喺我背脊上面進入耶路撒冷城嘅耶穌。 

我就同佢講：「咦，耶穌，好耐冇見喎，點解你喺度嘅？」 

耶穌話：「阿明，呢度係天堂啊。」 





我話：「天堂？我係咪死咗呀？」 

耶穌話：「係呀。」 

當時我仲未接受到現實，我原來已經係死咗，嗰時我就開始擔心，我主人一定會好傷心。 

跟住耶穌就同我講：「阿明，你唔使擔心，你主人知道你已經上咗天堂，一定會好開心，因為你生前服務過好多人，包括我同埋我阿爸阿媽。」 

之後我就話：「我曾經服務過你阿爸阿媽咩？」 





耶穌話：「係呀，當我仲未出世嘅時候，你已經帶我阿爸阿媽去白冷城嗰度。」 

跟住話口未完，Mary同Joseph就一齊出現喺我面前。 

Mary同Joseph就同我講：「阿明，多謝你呀，你已經完成你嘅任務啦，你可以好好咁休息啦！」 

當刻我爭啲喊出嚟。 

之後耶穌話：「雖然有好多人都驢仔係一種好低等嘅動物，但對我來講，你係至尊無瑕疵嘅，我自己都好榮幸可以騎係你背脊上面！」 





最後我就好開心咁同耶穌同埋佢阿爸阿媽一齊，喺天堂入面開開心心咁生活。