一封俾未來自己嘅信

喂柒頭，瞓撚醒未啊，唔知你同你女朋友玩得開唔開心呢？
唔好話我話你，你係咪仲係咁鍾意喊，
係咪成日都放過唔到自己，
係咪都係咁唔鍾意同人哋講自己嘅嘢呀！
好啦好啦，講返重點先，唔知你睇緊呢封信嘅時候，
係咪已經諗好晒去邊，係咪真係做到自己想做嘅自己
我知你而家一定面對着好多嘅壓力，辛苦你啦。
呢個月面對咁多嘢，你有冇幫我考好Econ同Bafs。
如果冇我坐時光機，過嚟打柒你個柒頭！
係喎記得幫我問吓我女朋友嘅情況點，




係咪仲係咁得意，佢有冇聽話，
佢係咪成日都發埋啲小朋友脾氣？
我唔知未來嘅將來你會選擇一個點樣嘅人生，
不過我希望你可以記住，最親嘅永遠係你身邊，
你要做一個負責任嘅男人，鄭盈邦，
唔可以再成日唔開心㗎啦，要好好對自己，
要幫我好好keep住你副body，如果唔係我實打柒你。
仲有呀，你唔好以為我講完啦，
我仲有好撚多嘢想同你講，
我最想見到嘅係你可以幫我同我女朋友一齊去影相，




夠歲數嘅時候一齊去簽紙，
唔知你到時候會唔會開心過而家，
唔知你對你嘅生活仲係咪咁有熱誠，
不過我相信嘅係你一定會好好行落去，
唔會好似而家咁，成日都忍唔住喊，
做唔到一個成功嘅男人，成日都要人擔心你，
壓力雖然好大，
但係壓力過後可能就係你真正想要嘅生活。
《冇人話你唔得，係你自己話自己唔得姐》