喺我瞓得好冧嘅時候, 冇啦啦有人喺我耳邊大喊:「妳有冇搞錯吖!妳阿哥已經換好哂衫等妳,妳竟然仲喺張床度?!妳係咪想累到佢遲到吖!」
我畀佢嚇咗一大跳, 成個人當堂醒曬。叉住腰咁企喺床邊嘅老母見到我起身,就即刻拖住我行出廳。
一身名牌西裝嘅阿哥見到我就微微嘴笑咁同我講:「我知道妳唔鐘意着裙,但係老母話着裙會斯文啲同好睇啲,所以我幫妳準備定西褲同裙,唔知妳想着咩呢?」佢一路講,一路指住梳化。
我望向梳化,上面擺咗兩套差唔多嘅伴郎衫。今日嘅伴郎都係白裇衫打煲呔加藍色西褲,因為我係女仔,所以阿哥就幫我準備咗一條藍色西裙。我應該着咩好呢?
西褲                 西裙
已有 0 人追稿