我係一個學生,一個好普通既學生。
成績麻麻,運動麻麻,操行良好。
一個再平庸不過既學生,就係我。
平時我對一d都市傳說有興趣,亦都鐘意研究一d靈異事件。
當中最感興趣既,莫過於香港既地下鐵路。
 
地下鐵路,顧明思異係貫穿地底從而通車既線路。
而地底,永遠都係一個神秘既地方。
係開發既過程,無人知有乜野係被「貫穿」…
相信貫穿既,唔指係泥土咁簡單…


有傳話係開發地下通道既過程,會請大師黎作法,
以平息被打擾既「靈」…
當然我唔知道係唔係真係有所謂既「靈」
就算有,我亦都唔知所謂既大師作法有無用。
但求個心安理得,都係人之常情黎既。
 
除左呢樣之外,地鐵既彩虹站亦都係一個迷。
相傳彩虹站既第三條路軌,係用黎搭通天地線…
用黎接載陽間同陰間既「魂」往返。
每次聽人提到彩虹站既呢件事


我就會好奇怪
就算有陰間,亦都有「魂」既存在
點解佢地可以借助地鐵番陽間呢?
雖然我成日都見到地鐵有空車經過月台
好多人都話個d車係用黎載所謂既「魂」
講真我就唔係好信喇
 
我曾經係討論區見過一段關於都市傳說既回覆
係關於地鐵…
個條友話試過搭地鐵係某個站出發,而下一個站又係同一個站


又有人話試過搭一個站搭左好耐等等既事
其實我都半信半疑
心諗,唔撚係掛.jpg
 
直到個日放學為止…