我開始歸納總結依家既處境
希望可以分析出有d有用既線索。
 
一架不斷向前行,比正常速度快,而且唔停站既列車
一個上唔到網,聯絡唔到外界既封閉空間
無職員入黎通知既最後一卡車箱…
睇一睇窗外既環境,已經去到觀塘
就依家既情況而言,得出最有可能既結論就係
架車係行駛其間發生左一d小故障,而緊急通訊裝置失靈係故障之一
所以架車先會先停低叫乘客落車,然後直接駛去總站進行維修…


(但點解會上唔到網,打唔出電話?因為車箱內有零件故障,間接變成左干擾裝置?定還是……)
 
大家起初都認為,架車會直接駛去總站然之後停低…
我都唔例外
但呢種籠罩係車箱入面既沉重氣氛
好似講緊比我地聽將會事與愿違…
 
咪住先!
如果係要維修既話,應該係駛去各個車廠架喎…
據我所知,地鐵維修列車既車廠有5個


分別係九龍灣車廠、荃灣車廠、柴灣車廠、將軍澳車廠同埋小蠔灣車廠。
地鐵係彩虹站叫d乘客落車,之係代表故障係到達彩虹站之前已經出現
如果我既假設正確
架地鐵應該係駛去離彩虹站最近既九龍灣車廠…
但事實係依家已經過左觀塘…
唔通,根本唔係乜野故障?
我將疑慮放左係個心入面,將希望放係下一個鄰近既車廠到。
將軍澳車廠!
列車由地面駛入地底…
岩先係地面,天都仲未黑透,大廈單位同路邊既街燈都會發出燈光


係呢個情勢不明朗既處境下,窗外既光係一樣可以令人安心既重要元素…
直到架車駛入地底…
車箱內昏黃既燈係一片漆黑既地底照亮住空"了了"既車卡
伴隨住地鐵輾過路軌既聲音
”o隆……o隆……”
令車箱內既氣氛變得份外詭異…
架車駛過油塘站之後,再次進入隧道…
時間一分一秒咁過,自從離開油塘站,已經過左2分鐘
但都仲未到達調景嶺…之係話,架車亦都唔係向將軍澳既方向走…
而係進入港島!
相信依家我地身處係九龍同港島間既海底隧道入面
我再一次將希望放係港島既柴灣車廠!希望今日既經歷會就咁告一段落…
寂靜既車箱,沉重既空氣,昏黃既燈光,漆黑既隧道,同外界完全失去聯絡方法既6個陌生人
加上咁奇怪既遭遇,足以令每個人都神經繃緊
我諗只要一個小小既觸發點,就可以令車箱內心理素質較差既人爆發


而呢種爆發,可能係言語上,亦都可能係行為上…
”啪!”果然不出我所料…
「好喇喎,你個喊濕佬,你望夠未呀!?你由上車開始就一路"目夾"住我,你咩料呀?#^$&*^%!$」
OL一巴車左落中年大叔到,然之後口出狂言係咁屌。
我心諗,唔是掛,雖然你係大波制服OL
但係你隻眼剩係大馬蹄露小小,個鼻仲尖過楊怡小小,而個嘴只係細黃曉明小小咁既樣…
實在不敢恭維……是咪你諗多左咋…
我係心入面暗嘲左個OL一下,然後繼續食花生。