不經意既一跳,竟然跳到3-4米高
我真係嚇左一跳
落地之後肥仔用錯愕既表情望住我
其實我都好錯愕…
不過除左錯愕之外,我多左份雀躍既感覺
輕輕一跳已經有3-4米高,如果全力一跳既話…
「喂你都試下!」我對住肥仔興奮咁講
肥仔奮力一跳,即使係身型肥胖既佢都跳到成10米高
「哇丫丫丫丫丫!!」肥仔係空中大嗌,好似好驚咁
我無理到肥仔既叫喊,自己試下全力一跳


哇!
望住岩岩落番地既肥仔身影慢慢變細
我都唔知自己跳到有幾高
保守估計應該高過15米,如果將蹤向變成橫向
我諗就算唔搭車都可以好快過到海,甚至快過搭車
最重要既一樣野係,可以試下馭風而行既感覺#yup#
「哇乜你唔驚架?」肥仔問我
「下?乜你唔覺得好爽咩?呢d機會可遇不可求呀!」
肥仔顯得有d無奈
「我地快d衝去港島啦!我諗我地屋企人依家一定好擔心…」我同肥仔講


「衝?唔係掛…隻離心力好勁喎…」
「頂你當玩緊真實版rpg啦!當自己火撚滾者入面d角色咪得囉!」
「唉…」肥仔好似認命,準備同我瘋狂飆「人」
我地由彩虹飆去東隧入口,無視途中既一切障礙
真係好爽!
感覺就好似渣緊架100km/hr既電單車係無人既公路上狂飆咁
加上類似跳樓機既離心力,實在爽到不行
雖然要就番肥仔既速度,但我諗一個鐘左右就可以飛到律敦治
希望唔洗去到薄扶林…
 


50分鐘後,到達律敦治
變成左魂狀態既我地,完全無喘氣既感覺
行入醫院,感受到一股平時感受唔到既沉重氣氛
醫院畢竟係最多人死亡,亦即係最多魂分離出黎既地方…
呢種沉重感覺,可能就係眾多魂遺留下既不捨同思念…
我同肥仔分頭去搵自己個身係邊,畢竟醫院分咁多個部門…
都唔知昏迷會係邊一部…
搵左大約10分鐘,終於係ICU比我發現我同肥仔
昏迷姐…唔洗訓ICU掛…
人生第一次係除左鏡or據反射功能既地方望到自己個樣…
感覺有d奇怪…
望真d,原來自己都幾靚仔…
無幾耐之後我搵番肥仔,然後齊齊準備跳番入個身到…
1,2,3
跳!