「估唔到,已經發展到奪命階段…」呀楓顯得有點唏噓
「呀楓,我老實問你,到底呢個程況有冇辦法解決?」我一面認真咁問呀楓
「無…」呀楓一面無奈咁答
「無可能!我知道一定有,如果唔係你點會無事?你唔洗呃我,你就
是成功穿梭人間兩間既成功例子,雖然我唔知原因係咩,但我知道一定有
解決辦法!」我challenge呀楓
「我……我呢d係特殊體質…天生擁有自動分離身同魂既能力,當然,我亦都有陰陽眼…呢個就係我被選中做導領既原因…」
「導領?之係我之前提出既引導者?負責引導從身脫離出黎既魂去陰間既職位?但你所講既被選中係咩意思?」我追問
「估唔到…你連我地既存在都推測埋出黎,就咁死左真係有d可惜……所謂既被選中,之係無得揀,你一係做,一係消失於天地之間,唔係輪回,而係消失…唉」
呀楓語帶哀傷


「咁…如果我地選擇做導領,係咪可以逃過一劫…?」我問
「我都想件事係咁簡單…如果可以既話,我寧願死,死後再輪回…做導領唔係一件簡單既事,一做就要做五百年,係五百年!當我呢個肉身老死左之後,我就會以魂既狀態繼續做落去,其間仲要唔可以出錯,出一次錯就加一百年…你唔會明…」
「我真係唔明,點解係被選中,點解我地無得揀?」我質問
「咁你出世時候既智商,樣貌,種族等等,有無得揀?」呀楓反問
「呢個世界其實係按照住一個看似無序但實質有序既方式運行,就好似由一部超級中央電腦黎運行咁…佢派咩task比你,你就要完成佢…唔到你揀…」呀楓眼泛淚光咁講
「但我想抵抗!」我堅持
「如果你堅持既話…你可以去見一個人…或者佢會幫到你…」
 
呀楓比左個地址我,叫我去搵一個神秘人。
我問呀楓呢個係咩人黎,佢無答我…然後買左張單就走


軒尼詩道171號6樓01室?
「肥仔你識唔識去?」我問隔離仲未抹嘴既肥仔
「唔識,我都無打算去…」肥仔語氣罕有地堅決
「下?我唔明,你咩意思?」
「咩意思?就係字面既意思,我.唔.去!」
「你知唔知道自己講緊d乜呀!!你既意思係你依家想離開我,唔去搵解決既辦法?你係咪傻左呀!!!?」我語帶激動
「我無傻!我仲好清醒!你岩岩係咪聽唔到新聞呀?我地又害死左一個無辜既人喇!你明唔明呀!?」
「日日都有人死架啦,依家人地唔死,就你死架喇!如果我岩岩唔係黎早左,你已經比把風扇飛中左喇!唔明果個係你呀!!!」我已經有氣無力咁講
「我知呀,但我唔想害人呀…唔洗再講喇,生死有命,我已經決定左。」



我一拳打去肥仔到,然後講
「屌你係咪痴線架!我唔可以睇住我朋友就咁無左條命,你一定要跟我走!」我堅持
「我都唔可以睇住其他人因為我無左條命…祝你好運…」肥仔說罷就掉頭走
我呆左係原地好耐好耐
望住個天,明明放晴…
但無論個日頭有幾曬
都驅唔走我內心既陰霾…