「你完全超出左我既預期!!我深信你可以完成我既任務!」中年呀叔好興奮咁講,我甚至懷疑佢已經扯扯地
「既然我已經過左你既考驗,我可以問更多既野啦?」我問
「無錯,但我唔認為你仲需要問好多野。」呀叔答
「的確,但我有樣野諗極都唔明,點解揀我?我只係一個普通中學生,除左有小小推理能力之外,就乜都無,why me?」我問
「因為你係“匙”,只有你可以完成呢個任務!」
「到底係咩任務?」我問
「破壞呢個世界!!!」呀叔面帶狂熱,如果唔係雯雯同女神都仲好冷靜咁係一面聽住,我懷疑呢個呀叔係有撚病!
「正確d黎講,係破壞呢個世界原有既規則,唔係法律,唔係道德,而係最初最原本既規則 - 命運!我要你做既,就係打破命運,扭轉因果!」
我不得不再次係度重申多一次,如果唔係雯雯同女神都仲好冷靜咁係一面聽住,我懷疑呢個呀叔係有撚病!仲要唔係普通精神病咁簡單,而係患有極度嚴重FF妄想加害症後群,之係一個字 - 白痴!
「哦,丫,咁呀,簡單啦!係我做呢個咁神聖既任務之前,可唔可以話我知點樣可以擺脫惡運纏身既問題?」我打算先找出方法,然後再走佢數!


「哈!哈哈!好簡單姐,你完成左個任務之後就自然唔會俾惡運纏身!你會比現世排斥,就係因為依家世界所運行既機制所導致,當你破壞左呢個機制,自然唔會比惡運纏身,就係咁簡單。」呀叔回答
我語塞…因為呀叔呢個推論完美無暇,毫無破綻可言
但我始終覺得佢係痴撚線,講埋d咁唔practical既野…
我只係一個好普通既中學生
唔係超人,唔係怪獸,唔係高登仔
又有可德可能去破壞世界…哈哈
我自嘲一下,然後講
「算啦,我諗你都係幫唔到我,我要走喇,你搵第二個啦!」說罷我揮一揮衣袖就走,臨轉身前我望左雯雯一眼,佢眼神回避左我一下
我無多加理會就離去
因為係現階段,我實在唔想同佢兩個講野…


「你會後悔,你唔只會後悔,仲會好似隻狗咁衝住番黎搵我…」呀叔係我身後自言自語
下話。
我係心入面回應左一句,就踏出大門。
 
 
破壞世界?白痴!
算啦,我都係搵其他方法解決…
而且暫時有雯雯呢隻介指頂住,應該無乜野既
至於d陌生人,由佢啦唉
人不為己,天誅地滅



到底雯雯到底因乜事會幫個呀叔呢?
算啦…無論咩原因都好
佢都係其中一個凶手令到我陷入依家呢個進退兩難既局面
呢啖氣就點都下唔到架喇!
但係
我應該點樣搵其他解決既方法呢?
哎呀!!!!
「肥仔!你點睇?」我下意識咁望向身旁,先發覺,原來肥仔早已不在
我不禁眼泛淚光...
唔得!!
我點都要去勸服肥仔
既然惡運已經發展到奪命階段
我更加唔可以睇住肥仔就咁死!!
我要去搵佢,我要去搵佢!


說時遲那時快,我已經掏出左我部可比3310既大陸機出黎
打俾肥仔
嘟..嘟...嘟....