我帶肥仔行到廟街
個度牌坊就係陰界既入口
但點樣先經入口入到陰界呢?
正當我腦海浮現呢個問題既時候
介指就投射左一個訊息出黎
 
───大門將於每晚11:44分打開,持有介指以及刻有介指印記的魂將會進入陰間
 
我真係大意!
竟然忽略左入口係每晚11:44分先會開放


不過值得慶幸既係,獲得導領資格既我
可以帶肥仔離開佢死亡地點作圓心既半徑五十米範圍
「肥仔,去探險咯不如!」我提議
「下?」
「預其係度等,不如周圍去啦!記唔記得個次我地係彩虹飛番港島?我地今次不如飛去香港其他地方觀光下啦!!!還店依家先7點幾!」
「呀濤,提議呢d野,唔似你性格喎!」肥仔質疑
估唔到,同肥仔識得真係唔係耐,但佢已經十分之了解我
平時既我,係絕對唔會提議做d基味咁濃既野
兩條麻甩佬環遊香港島?
笑死人咩…


但係…
「屌你咪撚理啦,當係陪我去睇風景,ok?」
「我知既…因為你無十分把握可以復活到我…你想珍惜同我既最後時光,係咪?」肥仔一路講一路嘻嘻咁笑
佢真係將我心所諗既野講左出黎…
「咩呀,你講咩呀!!??」我死口唔認
「哈哈!估唔到你都有傲嬌屬性!」肥仔笑我
屌咁樣俾佢講一講
我真係紅都面晒
「係喇,我認喇,咁得未?」我廢事搞到自己成個比達咁,索性認左佢
「哈哈!呀濤,識到你真係我人生最大既成就…」肥仔同我講


「屌你真係好撚唔知醜!」
然後再次相視而笑
真係好撚基…