見到眼前既雯雯
我又一次感覺到自己中左伏
「點解你會知我地係度?」我問
「個位大叔話我知…」雯雯冷淡咁答
「我知你知我問題背後既真正意思既…」
「唉…我都知你想問咩,但,知道左你會好過d咩,對成件事有幫助咩?」
「無幫助,我只係單純地好奇,因為佢既推測能力,已經超出左一般人好多好多,至少以佢所能夠獲得既資訊黎睇,佢無可能知道咁多野。」
「唉,咁我同你講,佢同一般人唔同,可以用一d特殊手段去獲取更多既資訊…」雯雯欲言又止
「你講啦。」我催促
「講咪講囉!洗唔洗咁惡呀!……佢個名叫九歌…紀九歌…係史上最強既術數師。」


(容許我係呢度借用天航D系列小說既一個角色黎補完我既故事sosad)
「術數師?咩黎」我問
「係一種稱呼…簡單d講,之係類似先知既存在。」
「算啦我唔再去深究喇…多謝你話我知。但我有第二個問題想問…」
「問啦煩!唔洗徵詢我意見架喎!」
唉雯雯真係好撚煩
應該話
女人真係好撚煩
「我想知點解你會黎呢度搵我地…已經引左我入局既你,其實無必要再出現…」
「我突然之間想走了,我想你帶我去陰間。」雯雯答我


「咁突然?你唔係想搵出殺你既兇手咩?」我追問
「呢個問題唔似係由你問出口架喎!」雯雯答
我遲疑左三秒…然後講
「嗯,放得低咪好囉…有時有d野太執著,反而令自己辛苦…」
我嘗試安慰佢,佢似乎唔係太成功
「算啦你唔洗講喇,我其實一直都知…只不過我想唔通…點解佢地可以咁樣對我…我係佢地親生女黎架!點解呀…嗚…」
原來傲嬌背後,都有軟弱既一面
「一直以黎,辛苦你了…」除左講呢d廢話之外我都唔知講咩好…
語畢,雯雯手臂上有一個位發出淡淡銀光
我仔細一看,雯雯手臂刻上左一個類似咬尾蛇印記


相信呢個就係導領幫魂所刻上既印記…
 
 
「肥仔過黎!」我向好識做咁行左去遠處既肥仔大嗌
然後肥仔再用一次岩岩既加速飛過黎
「肥仔你點做到架?」我已經忘記左一開始叫佢過黎既目的
肥仔伸出佢既手臂,指一指臂上既咬尾蛇印記
然後答
「當我將意識集中係呢個印記到既時候,就會感受到呢個印記所隱藏既力量,再用念力將印記既力量分散去全身,雖然只有一瞬間既時間,但就夠我做出岩岩個次加速!」
估唔到我既兩個問題不謀而合!一次過俾肥仔解答晒!
「你都幾好野丫!瞞住我!但你點知度你手臂上有個印記,又點知道個印記可以俾力量你?」
「我玩得RPG多嘛!」肥仔自豪地笑
雖然我真係唔撚信玩得RPG多會令一個人既觀察力提升,但我亦都無必要去深究呢個問題。
睇黎當作為導領既我去接觸魂既時候
個印記就會自動刻上


我比較好奇既係,既然個印記可以為魂帶黎力量
咁隻介指呢?
介指會帶黎既力量到底有幾大?
我更加在意既係
點解運行呢個世界既機制要將呢類力量賜俾魂同導領
唔通…?
算啦唔理住…
「我地不如去遊迪士尼咯!」我主動提議
依家多左個雯雯,成件事唔同晒
「低b!」 「好呀!」
但回應我既呢兩把聲音持完全相反既意見
相信唔洗我多講,大家都知道到底係邊個講邊句…
我深深地望雯雯一眼,希望用我唏噓既眼神黎說服佢
雖然我唔期望有咩成果
但出乎我意料既係


雯雯迴一迴避我眼神,然後我柔弱咁講
「好啦…」