眼前既肥仔出盡吃奶既力去帶動印記既力量
銀光一閃,個道黑色既陰影終於慢慢消退
肥仔既身體都由半透明開始變番做實體
但就面如死灰
面色蒼白左好多
「呀楓,你可唔可以解釋下呢個世界既事…?」我問
「嗯…其實,作為導領黎講,剩係將魂帶黎呢個世界已經叫完成任務…剩低既就要佢地自己去探索…但我地導領之間有個不明文既規定,就係將魂帶去等待投胎轉世既地方,而果個地方係呢個世界既盡頭…」呀楓回答
「點解要咁做呢?唔通…係關岩岩既黑色陰影事?」我追問
「無錯…個度黑影其實就係墮落左既魂…多數死於非命,心有不甘既人都有好大機會墮落,由其呢個世界既氣氛會容易令意志唔堅定既人墮落…如果個d黑影既數目越黎越多,終有一日數量會發展到威脅到我地導領既安全…所以將自己手上個批魂安全帶到呢個世界既盡頭,避免佢地墮落,就係我地之間既不明文規定。」
「但呢個世界咁寬咁廣,到底要幾耐先去到盡頭?」我再問


「其實好快…如果剩係由得魂體自己慢慢去探索,就真係有撚排,如果我地導領帶,就唔同講法…」
「帶?點帶法?隻介指無提供到呢個世界既地圖,我應該點樣搵個盡頭出黎?」
「我用例子答你。」語畢,呀楓隻介指就突然發出強光,一道好強既銀光將佢包圍住,然後拂一聲,呀楓從我地眼前徹底消失,我馬上係原地自轉,諗住尋覓佢既蹤影,轉左277度之後我係地平線既盡頭發現左一道好強既銀光,一秒之後,呀楓再次係我地眼前出現。
咩料?
 
 
「COOL!!!!」肥仔吹出一聲口哨之後用讚嘆既口吻講
「你點做到架?」我驚奇地問呀楓
「其實唔難…」
屌又係呢句


「呢招係導領既獨有技能…只要將意念集中係介指…再用意念將介指既力量帶出黎…再用意念將個種力量包圍全身…之後只要輕輕一步…就可以飛出好遠…」呀楓解釋…
我跟住佢講既說話做…將意念集中係隻介指上面
慢慢將自己既意識流入隻介指到





「呀濤…!!!…呀濤…!!醒喇喂!!」
我曚曨地張開雙眼…見到肉面飛龍…丫唔係…係肥仔先岩


「我…發生咩事黎…?」
「你一野訓低左囉…仲問咩事…搞到我等左鬼死咁耐!」雯雯發晦氣咁講,但我從佢既語氣之中聽得出滿溢而出既擔憂之情…我真係苦笑不已
「個種感覺好奇怪…當我將我既意識流入隻介指到個陣,就好似入左一個浩瀚無邊既世界咁,好大好大…入面既力量好似無窮無盡咁…我一不留神就失去左意識…」我未等佢地問就開始講我暈低前既經歷…
「嗯…好多人第一次試都會出現咁既現象…我都係咁…有左第一次經歷之後就會好容易掌握到點運用隻介指入面既力量,你慢慢再試多次…」呀楓向我解釋
之後我再一次又一次地嘗試…一次又一次咁暈低
係暈左17次之後,我終於成功運用到隻介指既力量
亦都可以好似呀楓咁,一閃就去到地平線既盡頭…
「呼…終於都成功,你地久等喇哈哈~!」我向肥仔同雯雯講
「嗯…呀濤…我諗我地要係呢度分道揚鑣…」雯雯語出驚人
「下?點解?」我問