「肥仔,出發。」我非常簡潔咁講,因為係呢一刻,我實在唔想講太多野
「嗯」肥仔亦都相當體貼
我慢慢將意識流入介指,從果個浩瀚無邊既力量庫到慢慢引出力量
慢慢地,銀光將我同肥仔包圍…然後噓一聲,我地原來停留既位置已經變得空無一人
我同肥仔係銀光之中漫遊呢個世界
說來奇怪
我地呢一刻既速度明明應該係相當之快
但透過銀光所望到既景觀又異常地清晰,完全無因為速度加快而變得模糊
「呀濤!你睇!」肥仔指住遠處既一個大光球
「你估…


「唔洗估喇!落去睇下咪知囉!」我都未曾講完,肥仔已經搶先一步交出結論
「係係~」我只好無奈地回應
眼前既係一個散發住柔光既大光球…一時藍…一時紅…一時青…一時橙…個光球不規則咁改變住佢既顏色
我既直覺話我知…眼前既光球好有可能就係控制全世界流動既核心
「肥仔,你係度等我!」
「下?做咩我要係度等?我唔入得去?」肥仔問
「個大叔係咁講…佢話呢個世界得我一個入到去…以防萬一,你係度等我…」
「但…」
「唔係但喇,信我!」我深深咁望向肥仔
然後


然後
然後
佢向我咀左一啖!
「屌你咩!!呸!呸呸!」我不斷吐口水
「哈哈!我可能復活唔到架嘛,你就當係我地既goodbye kiss啦!」
「屌你是咪基架!?」
「唔是!嘻嘻!」
屌都唔知佢諗乜鳩,唔通真係好似唐伯虎同對穿祥咁…惺惺相惜情不自禁!?
唉算鳩數…
「你係度等我!」我重複


「知喇知喇!」
然後
我慢慢走入果個光球到