一個畫面投射到我腦海中
咦?
乜咁小人既?
學校放假?
唔係丫…眼前呢個景象明明係早會緊

點解學校小左三份一人既?
點解個個人個表情都咁哀傷既?
『對於今次既離奇死亡事件,我表示深感哀傷,但路,仍然係要繼續行…希望各位同學,各位老師,能夠早日走出傷痛,勇敢面對明天…』校長用極度negative既語氣講出以上一席話…叫就叫人勇敢面對明天,但自己就灰撚到仆街
但係,佢所講既離奇死亡事件係咩一回事?


肥仔!我要睇肥仔既情況!
意念一轉
畫面就轉換到去一個破舊凌亂既單位
肥仔脆坐係地上,抱拳擊打地下
『點解!!!點解你地要拋低我!!!呀濤咁難得先復活我…點解你地咁早走…到底發生咩事呀…!!!』肥仔激動地濠哭
死左?肥仔既邊個死左?
我滿腦子疑問,仲未黎得及為成功復活肥仔而高興,就聽到肥仔屋企既電視機傳黎以下一則訊息
『昨夜凌晨,全球大約三分一人口相繼地離奇死亡,面對此等超自然現象,人類無所適從,據專家初步調查顯示,死者與死者之間的死亡間隔極短……但仍未能解釋現象出現成因………』
三分一人類死亡
死亡間隔極短?


刪除刪除刪除刪除
刪除呢兩隻字浮現係我腦海…
唔通…?
係我…?
唔通…
我每係個腦到刪除一個data…就係抹殺一個人類…?
我…
殺左全球三分一既人口…?
 
 


我唔要咁既結局!!!!!
時間呀
回溯吧!!!
───警告!若進行時間回溯,後果將不堪設想,操縱者本身極有可能會灰飛煙滅,從此消失於天與地之間…世界運行將失去秩序,後果不堪設想
屌你依家先黎警告?
我刪人data個陣唔見你警告我?
屌你老母都on99!
我依家係要時間回溯呀,你吹得我漲咩?
我再一次將意念集中係腦部
時間呀!
回溯到2008年10月20號
係一切發生之前
係肥仔遇到我之前
係我遇到雯雯之前
係大家未死之前!


如果要死,唔會係2008年!更加唔會係今日!
啪!
我既身體開始慢慢地瓦解…化成一片一片碎片
向空間既外頭飄去
我飄出光球
由陰間,飄番去陽間
我飄向學校…見到子華,呀俊,呀源,呀風係度你一句我一句
好似係討論緊陣間lunch去邊食
大家見到呀風呢個名係咪覺得好陌生呢
呀風係我進行時間回溯之制所創造出黎既一個人物
用黎填補我既位置…亦都好使我父母有番個孝順仔…
爸,媽,對唔住了…未能夠親身盡孝道…
希望呀風會好好對你地…
然後我飄向肥仔間學校
肥仔依舊被人係度欺凌緊…但從佢清澈既眼神


我知道佢會無事!
化成碎片既我逐漸變得透明
最後最後
我選擇飄番屋企…
落葉,歸根。
希望趕得切見佢地最後一面…
我飄過一條又一條街道
啪!
有人一拳打落架巴士到,然後將架巴士整架抬起!
『世界運行將失去秩序,後果不堪設想…』
腦海突然之間浮現出呢句說話
但我已經黎唔切考慮咁多
個位人兄輕輕揮一揮手…將架巴士掟去遠處一間商店門口
而商店前正放住一架BB車!入面有個BB!
已經化成碎片既我馬上飛去BB車到,將所有既力氣用黎帶走個架BB車


然而我係乜野都做唔到…就連牽起一陣風都做唔到…
眼見眼前既巴士越黎越近
而我已經化成碎片既身體就變得越黎越透明…
最後
啪!